Anatola Papłaŭnaha zvalniajuć z pracy farmalna «ŭ suviazi sa skančeńniem pracoŭnaha kantraktu», jaki byŭ padpisany ź im hod tamu.
Anatol Papłaŭny piać hadoŭ adpracavaŭ ślesaram-instrumentalščykam na vytvorčym unitarnym pryvatnym pradpryjemstvie «Vipra».
Nijakich spahnańniaŭ za hety čas nia mieŭ. Heta adznačana i ŭ paviedamleńni ab zvalnieńni. «Dziakujem za dobrasumlennuju pracu!» — napisaŭ ślesaru dyrektar VUPP «Vipra» Ihar Ščyhielski.
«U našaj krainie, jak bačym, nie patrebna dobrasumlennaja praca, a treba palityčnaja lajalnaść, i tady budzieš mieć dobruju pracu na doŭhija hady. Čatyry hady ja pracavaŭ na «Vipry», i nie było prablemaŭ.
I voś hod tamu, jak pryjšoŭ novy dyrektar, Ihar Ščyhielski, jon va ŭltymatyŭnaj formie patrabavaŭ zaklučyć kantrakt na adzin hod, choć da hetaha ja, jak i bolšaść supracoŭnikaŭ, pracavali pa biesterminovych pracoŭnych damovach.
Pryčym u ščyraj pryvatnaj hutarcy dyrektar mnie adkryta skazaŭ, što jon robić heta na prośbu ci zahad supracoŭnika KDB. Dyrektar mnie patłumačyŭ: maŭlaŭ, ty ž razumieješ, ja chaču tut zastacca pracavać i nie chaču, kab z-za ciabie byli prablemy», — prakamentavaŭ svajo zvalnieńnie Anatol Papłaŭny.
Pravaabaronca za svaju hramadzkuju dziejnaść nia raz pryciahvaŭsia da administracyjnaj adkaznaści, letam 2011 hodu padčas maŭklivych akcyjaŭ pratestu byŭ vymušany adbyć u IČU 15-sutkavy administracyjny aryšt.
Braŭ aktyŭny ŭdzieł u nazirańni za vybarami, paviedamlajuć pravaabaroncy-viasnoŭcy.
Ciapier čytajuć
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary