Pałova rasijanaŭ miarkuje, što admianiać śviatkavańnie hadaviny Kastryčnickaj revalucyi 7 listapada było niapravilna.
Pra heta śviedčać vyniki apytańnia fondu «Hramadskaja dumka», praviedzienaha napiaredadni Dnia narodnaha adzinstva.
Śviatkavańnie hadaviny Kastryčnickaj revalucyi, jakaja ŭ postsavieckim śpisie čyrvonych dat nazyvałasia Dniom zhody i prymireńnia, było admieniena ŭ 2004 hodzie. Dzień narodnaha adzinstva ŭpieršyniu adznačaŭsia ŭ Rasii 4 listapada 2005 hoda.
Pavodle sacyjołahaŭ, tolki tracina rasijanaŭ viedaje, jakoje śviata adznačajecca 4 listapada.
Takija apytańni pravodziacca rehularna; pry hetym z kožnym hodam stanovicca bolš tych, chto viedaje ab novym śviacie, u toj ža čas kolkaść ludziej, jakaja nastalhuje pa Dni zhody i prymireńnia, zastajecca niaźmiennaj.
Novaje dziaržaŭnaje śviata ŭ Rasii 4 listapada było zasnavana ŭ pamiać ab padziejach 1612, kali narodnaje apałčeńnie pad kiraŭnictvam nižaharodskaha ziemskaha starasty Kuźmy Minina i kniazia Dźmitryja Pažarskaha vyzvaliła Maskvu ad polska-litoŭska-biełaruskich vojskaŭ.
U chodzie apytańnia FHD 49% respandentaŭ vykazali mierkavańnie, što rašeńnie admianić śviata 7 listapada było niapravilnym. Pry hetym bolš za 40% apytanych upeŭnienyja, što heta padzieja važniej, čym vyzvaleńnie Maskvy ad zamiežnych intervientaŭ u 17-m stahodździ.
Kamientary