U ZŠA stvaryli bializnu dla abarony ad zhvałtavańnia
Dźvie žycharki Ńju-Jorka vyrašyli raspracavać i vypuścić u prodaž liniejku nižniaj bializny, z dapamohaj jakoj žančyny mohuć abaranić siabie ad hvałtaŭnikoŭ.
Majtki pracujuć pa pryncypie staradaŭnich pajasoŭ viernaści. Liniejka AR Wear vyrabaŭ vykarystoŭvaje sučasnuju raznavidnaść pasa viernaści, jaki moža adpudzić seksualnych drapiežnikaŭ.
U adroźnieńnie ad bializny z efiektam elektrašoku, jakuju pradstavili hetaj viasnoj, u navincy prymianiajucca mahutnyja fiksatary-ramieńčyki, pakrytyja tkaninaj, jakija nadziejna zamacoŭvajuć majtki na ciele žančyny.
Niahledziačy na ich tryvałaść, jany nie ściahvajucca zanadta mocna, i nie pakidajuć nijakich śladoŭ na skury. Ale źniać ich zmoža tolki sama haspadynia.
Ich niemahčyma ni razarvać rukami, ni razrezać nažnicami. Aŭtarki liniejki imknulisia stvaryć nie tolki nadzvyčaj tryvałyja majtki z unikalnaha materyjału, jaki vytrymlivaje lubyja vonkavyja ŭździejańni, ale i zrabić ich zručnymi dla našeńnia.
Jak śćviardžajuć vytvorcy navinki, žančyny adčuvajuć siabie ŭ padobnaj nižniaj bialiźnie absalutna kamfortna. Majtki nie cisnuć u časie chady, u ich možna zajmacca sportam i lubymi inšymi paŭsiadzionnymi mi. Dy i vyhladajuć jany vielmi simpatyčna, zusim nia nahadvajučy kłasičnyja pasy viernaści.
Liniejka takoj bializny pryznačana dla žančyn, jakija zajmajucca bieham pa viečarach, naviedvajuć načnyja kłuby ci byvajuć u lubych inšych «ryzykoŭnych» abstavinach, bahatych na ryzyku stać achviaraj seksualnamu hvałtu.
Stanoŭčaja reakcyja publiki na ideju padobnaj nižniaj bializny prymusiła stvaralnikaŭ liniejki prystupić da raspracoŭki spartyŭnych lehinsaŭ, jakija vykarystoŭvajuć takuju ž technałohiju suprać hvałtaŭnikoŭ.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu7
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary