Hran-pry XX Minskaha mižnarodnaha kinafiestyvalu «Listapad» atrymaŭ film «Ida» (Polšča — Danija) režysiora Paŭła Paŭlikoŭskaha. Uładalnika «Zołata «Listapada» nazvali 8 listapada na ŭračystaj cyrymonii zakryćcia fiestyvalu ŭ Małoj zale Pałaca Respubliki.
Hałoŭny pryz kinapresy, jaki nazyvajecca «Sierabro «Listapada», prysudžany taksama hetaj karcinie. Akramia taho, «Ida» adznačana pryzam za lepšuju apieratarskuju rabotu, pavodle mierkavańnia mižnarodnaha žury fiestyvalu.
Pryzam «Za lepšuju režysuru» ŭznaharodžana kinakarcina «Dakranańnie hrachu» (Kitaj — Japonija — Francyja), režysior Czia Čžanke.
Śpiecyjalny pryz mižnarodnaha žury «Za estetyčnuju dziorzkaść» padzialili pamiž saboj filmy «Viečnaje viartańnie» (Ukraina, Kira Muratava) i «Kali ŭ Buchareście nastaje viečar, ci Mietabalizm» (Rumynija — Francyja, Karnieliu Parumboj).
Film «Pa kruzie» (Sierbija — Hiermanija — Słavienija — Charvatyja — Francyja) Srdana Hałuboviča ŭznaharodžany pryzam simpatyj hledačoŭ, pryzam Minharvykankama, a taksama śpiecpryzam kinapresy «Za dramaturhičnaje rašeńnie».
Karcina «Rola» (Biełaruś — Rasija — Finlandyja — Hiermanija) Kanstancina Łapušanskaha, u jakoj brali ŭdzieł biełaruskija kiniematahrafisty, stała ŭładalnikam śpiecpryza Vykankama SND «Kino bieź miežaŭ», a taksama śpiecpryza Pastajannaha kamiteta Sajuznaj dziaržavy «Razam».
U halinie dakumientalnaha kino Hran-pry atrymała karcina «Baćka i syn» (Polšča) Paŭła Łazińskaha.
Śpiecyjalny pryz žury dakumientalnaha kino atrymała karcina «Ćviatanka» (Bałharyja — Šviecyja) Juljana Tabakova.
Pryz prezidenta Biełarusi «Za humanizm i duchoŭnaść u kino» atrymaŭ režysior mastackaha filma «Łuka» (Biełaruś — Ukraina) Alaksandr Parchomienka.
Pavodle infarmacyi arhanizataraŭ, pakazy fiestyvalu ŭ hetym hodzie naviedali bolš jak 40 tysiač hledačoŭ.
Kamientary