Indeks spažyvieckich cen na tavary i pasłuhi (inflacyja) u kastryčniku 2013 hoda ŭ paraŭnańni ź vieraśniem hetaha hoda vyras na 1,9%, sa śniežniem 2012 hoda — na 12%, paviedamili ŭ pres-słužbie Nacyjanalnaha statystyčnaha kamiteta. Aficyjny hadavy prahnoz inflacyi składaje 12%.
Ceny na charčovyja tavary ŭ kastryčniku 2013 hoda ŭ paraŭnańni ź vieraśniem vyraśli na 1,9%, sa śniežniem 2012 hoda — na 9,6%. Bolš za ŭsio ŭ vieraśni ŭ paraŭnańni z papiarednim miesiacam padaražeła aharodnina — na 19,6%, muka pšaničnaja — na 10,6%, chleb i chlebabułačnyja vyraby — na 4%, bulba — na 3,3%, sadavina — na 3%, jajki — na 2,2%, kansiervy rybnyja — na 2,1%. U toj ža čas nazirałasia padzieńnie cen na alej — na 1%.
Ceny na niecharčovyja tavary ŭ kastryčniku ŭ paraŭnańni ź vieraśniem pavialičylisia na 0,7%, sa śniežniem 2012 hoda — na 6,2%. Bolš za ŭsio ŭ kastryčniku padaraželi mebla, tkaniny, dyvany, miedykamienty — na 1%, parfumierna-kaśmietyčnyja vyraby — na 0,9%.
Ceny i taryfy na płatnyja pasłuhi pavialičylisia za miesiac na 3,3%, u paraŭnańni sa śniežniem 2012 hoda — na 27,9%. Bolš za ŭsio ŭ vieraśni padaraželi žyllova-kamunalnyja pasłuhi — na 5,3%, u tym liku elektrazabieśpiačeńnia — na 11,8%, hazazabieśpiačeńnia — na 3,1%, pasłuhi pasažyrskaha transpartu — na 10,9%, u tym liku haradskoha — na 28,2%, pryharadnaha aŭtamabilnaha — na 29,2%, mižnarodnaha aŭtamabilnaha — na 5%, kultury — na 5,8%, kancertnych arhanizacyj — na 14,4%, turystyčnyja — na 2,4%. Sanatorna-azdaraŭlenčyja pasłuhi patańnieli na 3%, mižnarodnych čyhunačnych znosin — na 8,1%.
Kamientary