Hramadstva11

Stała viadoma, za što asudzili hramadzianina Ukrainy ŭ Babrujsku

Palitźniavolenaha 55-hadovaha hramadzianina Ukrainy Juryja Bandarenku zatrymali hod tamu — 5 maja 2024 hoda. Jaho abvinavacili pavodle art. 368 Kryminalnaha kodeksa (abraza Łukašenki) i asudzili da adnaho hoda i šaści miesiacaŭ kałonii. «Viasna» daznałasia, za što mienavita asudzili ŭkrainca ŭ Biełarusi.

Fota ilustracyjnaje

10 lipienia 2024 hoda ŭ sudzie Babrujskaha rajona i horada Babrujska Juryja Bandarenku asudzili pavodle č. 1 art. 368 KK (abraza Łukašenki) da adnaho hoda i šaści miesiacaŭ kałonii ahulnaha režymu. Prysud vynies sudździa Andrej Litvin. Spravu razhladali ŭ zakrytym režymie.

Pravaabaroncam «Viasny» stała viadoma, što Juryj Bandarenka rodam z Krapiŭnickaha. U jaho jość dzicia. Paśla zatrymańnia mužčynu adrazu źmiaścili pad vartu ŭ SIZA № 4 u Mahilovie.

Pavodle abvinavačvańnia, ranicaj 4 maja Bandarenka kala kramy «Tranzit» vykazaŭsia ŭ prysutnaści inšych hramadzian u nieprystojnaj formie pra Łukašenku. Zhodna viersii abvinavačvańnia, matyvam ukrainca stała «padtrymka idej sacyjalnaj nieciarpimaści da pradstaŭnikoŭ ułady Respubliki Biełaruś i adkrytaja prajava niepryjaznaści da jaje».

Adzin z prysutnych źviarnuŭsia ŭ milicyju i navat padzialiŭsia fotazdymkam mašyny, na jakoj źjechaŭ Juryj Bandarenka sa svaim tavaryšam. Na nastupny dzień ukrainca zatrymali pa abvinavačvańni ŭ abrazie Łukašenki.

Na sudzie Bandarenka pryznaŭ vinu. Na pasiadžeńni dapytali śviedku, jaki i danios na ŭkrainca.

Pry hetym Juryja asudzili faktyčna tolki na padstavie danosu. U jakaści dokazaŭ nibyta jahonaj vinavataści stali źviestki, padadzienyja babrujcam-danosčykam, zapis jahonaha telefonnaha zvanka ŭ milicyju, videazapis z kramy «Tranzit», jaki paćviardžaje tolki znachodžańnie Juryja Bandarenki kala hetaj kramy, i fotavyjava mašyny Bandarenki, na jakoj jon źjechaŭ, z telefona danosčyka.

Aŭdyjozapisaŭ i videazapisaŭ, jakija b paćviardžali vykazvańnie ŭkraincam abrazaŭ, u materyjałach spravy niama.

Kamientary1

  • Gorliwy Litwin
    17.05.2025
    pilny patryjot Siniavokaj Baćkaŭščyny nie dapuściŭ kab abražali jaho lubimaha Etnarcha! jaki zachavaŭ u Siniavokaj Mir Chleb i Ščyraść! navat dumki mankurtoŭ padsłuchajuć i daniasuć kudy treba! Usienarodnaja luboŭ! jak da Stalina ŭ 1937!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pucin: Dzie stupaje naha ruskaha sałdata, heta naša

Pucin: Dzie stupaje naha ruskaha sałdata, heta naša

Usie naviny →
Usie naviny

U Finlandyi zapuścili najbujniejšuju ŭ śviecie piasčanuju batareju. Jak heta pracuje?1

U Małdovie na hiej-prajdzie znoŭ zaśviaciŭsia «starakatalicki śviatar» z Navahradka, pra jakoha nie było ničoha čuvać bolš za 5 hadoŭ9

Na elektrobusach MAZ pačnuć stavić ałkazamki. Što heta takoje?3

U Śviata-Jelisaviecinski manastyr pryjšli z pravierkami6

Urad biare pad uzmocnieny kantrol ceny na miasa, małako i kandytarskija vyraby6

Tramp uziaŭ dva tydni, kab vyznačycca adnosna Irana24

U akupavanym Krymie znoŭ pradajuć znakamituju «Masandru»3

Kiraŭnica rasijskaha Centrabanka zajaviła pra vyčarpańnie apošnich resursaŭ rostu rasijskaj ekanomiki16

Va Ukrainie pryznačyli novaha kamandujučaha Suchaputnymi vojskami2

bolš čytanych navin
bolš łajkanych navin

Pucin: Dzie stupaje naha ruskaha sałdata, heta naša

Pucin: Dzie stupaje naha ruskaha sałdata, heta naša

Hałoŭnaje
Usie naviny →

Zaŭvaha:

 

 

 

 

Zakryć Paviedamić