Hienieralny dyrektar AAT «Urałkalij» Uładzisłaŭ Baŭmhiertnier zastaŭsia ŭ składzie novaha savieta dyrektaraŭ «Urałkalija». Jak paviedamiła pres-słužba rasijskaj kampanii, takoje rašeńnie pryniata ahulnym schodam akcyjanieraŭ, jaki prajšoŭ 29 listapada ŭ Bieraźnikach (Piermski kraj).
Rašeńniem ahulnaha schodu byŭ abrany novy saviet dyrektaraŭ kampanii. U jaho skład znoŭ uvajšli čatyry niezaležnyja dyrektary, u tym liku Alaksandr Vałošyn, ser Robiert Marhiets, Poł Ostlinh i Hordan Sedž. Taksama ŭ saviet dyrektaraŭ «Urałkalija» byli vybrany Anton Avieryn, Uładzisłaŭ Baŭmhiertnier, Viktar Bielakoŭ, Pavieł Hračoŭ i Hanna Kałančyna.
Staršynia savieta dyrektaraŭ i hienieralny dyrektar kampanii buduć vybrany na najbližejšym pasiadžeńni savieta, data jakoha pakul nie vyznačana, udakładnili BiełaPAN u pres-słužbie «Urałkalija».
Jak paviedamlałasia raniej, hałoŭnaje śledčaje ŭpraŭleńnie Śledčaha kamiteta Rasii 22 listapada vystaviła abvinavačańnie Baŭmhiertnieru. Hiendyrektar AAT «Urałkalij», staršynia naziralnaha savieta AAT «Biełaruskaja kalijnaja kampanija» abvinavačvajecca va ŭčynieńni złačynstva, praduhledžanaha č. 3 art. 33, č. 2 art. 201 KK RF (złoŭžyvańnie paŭnamoctvami). Adrazu paśla vystaŭleńnia abvinavačańnia Baŭmhiertnier byŭ dapytany ŭ jakaści abvinavačanaha.
