Генеральны дырэктар ААТ «Уралкалій» Уладзіслаў Баўмгертнер застаўся ў складзе новага савета дырэктараў «Уралкалія». Як паведаміла прэс-служба расійскай кампаніі, такое рашэнне прынята агульным сходам акцыянераў, які прайшоў 29 лістапада ў Беразніках (Пермскі край).
Рашэннем агульнага сходу быў абраны новы савет дырэктараў кампаніі. У яго склад зноў увайшлі чатыры незалежныя дырэктары, у тым ліку Аляксандр Валошын, сэр Роберт Маргетс, Пол Остлінг і Гордан Сэдж. Таксама ў савет дырэктараў «Уралкалія» былі выбраны Антон Аверын, Уладзіслаў Баўмгертнер, Віктар Белякоў, Павел Грачоў і Ганна Каланчына.
Старшыня савета дырэктараў і генеральны дырэктар кампаніі будуць выбраны на найбліжэйшым пасяджэнні савета, дата якога пакуль не вызначана, удакладнілі БелаПАН у прэс-службе «Уралкалія».
Як паведамлялася раней, галоўнае следчае ўпраўленне Следчага камітэта Расіі 22 лістапада выставіла абвінавачанне Баўмгертнеру. Гендырэктар ААТ «Уралкалій», старшыня назіральнага савета ААТ «Беларуская калійная кампанія» абвінавачваецца ва ўчыненні злачынства, прадугледжанага ч. 3 арт. 33, ч. 2 арт. 201 КК РФ (злоўжыванне паўнамоцтвамі). Адразу пасля выстаўлення абвінавачання Баўмгертнер быў дапытаны ў якасці абвінавачанага.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары