Siłavy razhon mitynhoŭcaŭ z Majdanu Niezaležnaści u noč na 30 listapada byŭ praviedzieny dla taho, kab zabiaśpiečyć bieśpieraškodny prajezd techniki dla dalejšych pracaŭ pa padrychtoŭcy da navahodnich śviataŭ.
Pra heta paviedamiła načalnica pres-słužby ŭpraŭleńnia MUS u Kijevie Volha Biłyk, pieradaje «5 kanał».
«Źviarnulisia ŭ milicyju z prośbaj zabiaśpiečyć bieśpieraškodny prajezd techniki dla dalejšych pracaŭ na Majdanie Niezaležnaści», — adznačyła jana.
Pavodle słovaŭ Biłyk, mitynhoŭcy, niahledziačy na nieadnarazovyja papiaredžańni ab tym, što niadopusk techniki źjaŭlajecca parušeńniem, «pačali kidać u pradstaŭnikoŭ milicyi śmiećcie i niejkija padpalenyja pradmiety».
«Było pryniata rašeńnie vycisnuć mitynhoŭcaŭ z Majdanu Niezaležnaści», — dadała jana.
Pa słovach pres-sakratara MUS u Kijevie, u dačynieńni da tych ludziej, jakija paviedamili pra toje, što atrymali ad supracoŭnikaŭ milicyi cialesnyja paškodžańni — pa hetych faktach budzie pravodzicca słužbovaja pravierka i buduć pryniatyja adpaviednyja rašeńni».
Hladzi taksama: Brutalny finał Płoščy-2006 i Jeŭramajdanu-2013 — paraleli
