Перашкаджалі ставіць ёлку: кіеўская міліцыя назвала матывы брутальнага разгону
Сілавы разгон мітынгоўцаў з Майдану Незалежнасьці у ноч на 30 лістапада быў праведзены для таго, каб забясьпечыць бесьперашкодны праезд тэхнікі для далейшых працаў па падрыхтоўцы да навагодніх сьвятаў.
Пра гэта паведаміла начальніца прэс-службы ўпраўленьня МУС у Кіеве Вольга Білык, перадае «5 канал».
«Зьвярнуліся ў міліцыю з просьбай забясьпечыць бесьперашкодны праезд тэхнікі для далейшых працаў на Майдане Незалежнасьці», — адзначыла яна.
Паводле словаў Білык, мітынгоўцы, нягледзячы на неаднаразовыя папярэджаньні аб тым, што нядопуск тэхнікі зьяўляецца парушэньнем, «пачалі кідаць у прадстаўнікоў міліцыі сьмецьце і нейкія падпаленыя прадметы».
«Было прынята рашэньне выціснуць мітынгоўцаў з Майдану Незалежнасьці», — дадала яна.
Па словах прэс-сакратара МУС у Кіеве, у дачыненні да тых людзей, якія паведамілі пра тое, што атрымалі ад супрацоўнікаў міліцыі цялесныя пашкоджаньні — па гэтых фактах будзе праводзіцца службовая праверка і будуць прынятыя адпаведныя рашэньні».
Глядзі таксама: Брутальны фінал Плошчы-2006 і Еўрамайдану-2013 — паралелі
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары