Namieśnik ministra abarony RF: Uzbrojenyja siły Biełarusi i Rasii musiać być hatovyja da sumiesnych dziejańniaŭ
Rasija i Biełaruś u śniežni praviaduć kansultacyi pa pytańni raźmiaščeńnia rasijskaj avijabazy na biełaruskaj terytoryi.
Pra paviedamiŭ žurnalistam u piatnicu namieśnik ministra abarony RF Anatol Antonaŭ, piša RIA Novosti.
«My płanujem u śniežni pravieści kansultacyi pa hetym pytańni, na dadzieny momant užo praviali rekahnascyroŭku miescaŭ mahčymaha raźmiaščeńnia avijabazy», — skazaŭ Antonaŭ na pres-kanfierencyi ŭ Maskvie.
Pavodle jaho słoŭ, rasijskija vajskoŭcy płanujuć sumiesna ź biełaruskimi kalehami taksama padrychtavać prajekty adpaviednych pahadnieńniaŭ dla stvareńnia sumiesnaj pravavoj bazy ŭ halinie vajenna-techničnaha supracoŭnictva.
«Ja dumaju, što naša vajennaje supracoŭnictva ź Biełaruśsiu nie pavinna vyklikać ni ŭ kaho pytańniaŭ, — u nas Sajuznaja dziaržava, pra što vielmi časta ŭsio zabyvajuć», — dadaŭ namieśnik kiraŭnika Minabarony.
Pavodle jaho słoŭ, asnoŭnaja zadača takoha supracoŭnictva — zrabić tak, kab Uzbrojenyja siły Biełarusi i RF byli hatovyja da sumiesnych dziejańniaŭ.
«Akramia taho, prapracoŭvajem na adnym ź biełaruskich aeradromaŭ bazavańnie dziažurnaha źviana rasijskaj źniščalnaj avijacyi. Hetuju pracu my zavieršym u samy bližejšy čas», — adznačyŭ Antonaŭ.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary