Jeŭramajdan ŭ Kijevie prahałasavaŭ za rezalucyju ab vyzvaleńni ŭsich palityčnych źniavolenych, u tym liku i eks-premjera Julii Cimašenka, paviedamlaje «Interfaks-Ukraina».
«My pavinny zrabić tak, kab łozunh «Juli — volu» Janukovič pačuŭ u Mižhorji i kab jon uvieś čas bajaŭsia», — začytała rezalucyju hramadski aktyvist i žurnalist Taćciana Čarnavił.
Hałoŭnyja tezisy rezalucyi — svaboda palitviaźniam i «nie» palityčnych represijam. U dakumiencie zhadvajecca, što 13 aktyvistaŭ Jeŭramajdana ŭžo vyzvalenyja, a baraćba za inšych «niezakonna aryštavanych praciahniecca da apošniaha».
U tekście adznačajecca što «ŭžo treci hod za kratami znachodzicca hałoŭny apanient režymu Janukoviča — Julija Cimašenka», jakaja viedała ab płanach uładaŭ ab jaje aryšcie, adnak, nie pakinuła Ukrainu i prasiła jeŭrapiejskuju supolnaść padpisać Pahadnieńnie ab asacyjacyi z Ukrainaj, niahledziačy na jaje niezakonnaje zaklučeńnie, što było pryznana jeŭrapiejskim sudom pa pravach čałavieka.
«Vyzvaleńnie palitviaźniaŭ było, jość i budzie hałoŭnym patrabavańniem Majdana. Majdan svaich nie zdaje», — havorycca ŭ rezalucyi.
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi8
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary