U Baku adbyłasia ŭračystaja cyrymonija padpisańnia damovy ab raspracoŭcy hazavaha radovišča «Šach-Deniz-2».
Haz z dna Kaśpija budzie dastaŭlacca ŭ Jeŭropu praz Hruziju, Turcyju i Hrecyju, paviedamlaje Bi-Bi-Si.
Kansorcyum, jaki raspracoŭvaje «Šach-Deniz-2» taksama pabuduje Transadryjatyčny hazapravod z Hrecyi ŭ Italiju.
Budaŭnictva mahistrali budzie kaštavać nie mienš čym u 28 młrd dalaraŭ. Na cyrymonii padpisańnia damovy prezident Azierbajdžana Ilcham Alijeŭ zajaviŭ, što «Šach-Deniz-2» «źmienić enierhietyčnuju kartu rehijona. Azierbajdžanski haz zaraz budzie pastupać na rynki, što majuć najbolšuju ŭ im patrebu».
Na dumku analitykaŭ, rašeńnie kansorcyuma pabudavać Transadryjatyčny hazapravod zabivaje apošni ćvik u trunu jeŭrapiejskaha prajekta hazapravoda «Nabuka», jaki pavinien byŭ zaviaršacca ŭ Aŭstryi.
U kansorcyum uvachodziać kampanii VR (apieratar prajekta), Statoil (Narviehija), SOCAR (Azierbajdžan), «Łukojł» (Rasija), Total (Francyja), NIOC (Iran) i TPAO (Turcyja).
Praŭda, Statoil niečakana zajaviła, što skaračaje svaju dolu ŭ kansorcyumie z 25,5% da 15,5%.
Kansorcyum spadziajecca da 2019 hoda zdabyvać na «Šach-Deniz-2» 16 młrd kubamietraŭ hazu ŭ hod. 6 miljardaŭ dastanucca Turcyi i Hruzii, astatniaje budzie pastupać u Jeŭropu.
Na dadzieny momant Jeŭrapiejski Sajuz impartuje 60% nieabchodnaha jamu pryrodnaha hazu, bolš za čverć — z Rasii.
Na cyrymoniju padpisańnia ŭ Baku prybyŭ ministr zamiežnych spraŭ Vialikabrytanii Uiljam Chiejh. Jaho rašeńnie pryjechać u Azierbajdžan rezka raskrytykavali pravaabaroncy.
Amnesty International zajaviła, što «stanovišča z pravami čałavieka ŭ Azierbajdžanie žudasnaje, i ŭrad pačaŭ ahresiŭna dušyć svabodu słova».
Pradstaŭnik brytanskaha MZS sa svajho boku zajaviŭ, što Łondan rehularna abmiarkoŭvaje pytańnie ab pravach čałavieka z uładami Azierbajdžana.
Pavodle dadzienych Amnesty International, prykładna pałova zamiežnych inviestycyj u Azierbajdžanie pastupaje ź Vialikabrytanii, u asnoŭnym z-za asvajeńnia VR hazavych radoviščaŭ na Kaśpii.
-
Padčas bambardzirovak Irana amierykancy nie kranajuć maleńki vostraŭ — hałoŭnuju naftavuju arteryju. Čamu?
-
Cana Brent adkaciłasia da $90 za baral na fonie abiacańniaŭ Trampa chutka skončyć vajnu suprać Irana
-
Kamandujučy elitnaha iranskaha śpiecnaza pracavaŭ na Izrail? Kažuć, jon saskočyŭ z sustrečy ŭ Chamieniei za paŭhadziny da ŭdaru
Kamientary