DAI rychtujecca da pratestaŭ na praśpiekcie Niezaležnaści suprać padatku na aŭto
U sacyjalnych sietkach zaklikajuć da praviadzieńnia akcyj pratestu.
DAI Minska ŭzmocnić kantrol na vulicach stalicy ŭ suviazi z zaklikami da akcyj pratestu. Inśpiektary źbirajucca sačyć za vykanańniem kiroŭcami praviłaŭ spynieńnia i stajanki.
U sacyjalnych sietkach hučać prapanovy vyjści (i vyjechać) na pratest suprać uviadzieńnia «padatka na aŭto» ŭ piatnicu, 20 śniežnia, u 18.00.
Miescam praviadzieńnia akcyi ŭkazvajecca praśpiekt Niezaležnaści ŭ Minsku, a taksama centralnyja płoščy inšych haradoŭ.
Stratehija praviadzieńnia pratestaŭ nie ŭkazvajecca, ale miarkujecca, što akcyja pojdzie pa scenary raniejšych paśpiachovych «Stop-bienzinaŭ».
U 2011 paśla istotnaha pavyšeńnia cenaŭ na bienzin kiroŭcy ŭ znak pratestu pierakryli praśpiekt Niezaležnaści ŭ Minsku. Arhanizataraŭ u toj akcyi nie było, kiroŭcy kaardynavalisia praź internet.
Vynikam taho pratestu stała narada ŭ Alaksandra Łukašenki, jaki zahadaŭ terminova «adkrucić» ceny.
Apytanka
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci5
Kamientary