U Dušanbe skončyŭsia samit Sadružnaści niezaležnych dziaržavaŭ. Anansavanaja sustreča prezydentaŭ Biełarusi i Rasiei nie adbyłasia.
Pra heta stała viadoma rasiejskim infarmacyjnym ahienctvam ad krynicy ŭ rasiejskaj delehacyi. «Pavodle słovaŭ krynicy, asobnych sustrečaŭ Uładzimira Pucina z prezydentam Biełarusi Alaksandram Łukašenkam i hruzinskim lideram Michaiłam Saakašvili nie było», — paviedamlaje ahienctva RIA «Novosti».
Sustreča Łukašenki z Pucinym pierad samitam anansavałasia pres-słužbaj kiraŭnika Rasiei.
U toj ža čas Pucin sustreŭsia ź ministram zamiežnych spravaŭ Ukrainy Arsieniem Jacaniukom.
Kiraŭnik pres-słužby A. Łukašenki Pavał Lohki, u Dušanbe A. Łukašenka dvuchbakovych pieramovaŭ nia vioŭ ni z kim: «U nas u planach nijakich dvuchbakovych sustrečaŭ nie było».
Na samicie SND u Sankt-Pieciarburhu A. Łukašenka vystupiŭ suprać pryznačeńnia byłoha staršyni Centravybarkamu Rasiei Viešniakova na pasadu vykanaŭčaha sakratara SND. Ciapier jon pahadziŭsia z prapanovaj rasiejskaha boku pryznačyć na hetuju pasadu byłoha dyrektara Słužby zamiežnaj vyviedki Rasiei Siarhieja Lebiedzieva.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)