У Душанбэ скончыўся саміт Садружнасьці незалежных дзяржаваў. Анансаваная сустрэча прэзыдэнтаў Беларусі і Расеі не адбылася.
У Душанбэ скончыўся саміт Садружнасьці незалежных дзяржаваў. Анансаваная сустрэча прэзыдэнтаў Беларусі і Расеі не адбылася.
Пра гэта стала вядома расейскім інфармацыйным агенцтвам ад крыніцы ў расейскай дэлегацыі. «Паводле словаў крыніцы, асобных сустрэчаў Уладзіміра Пуціна з прэзыдэнтам Беларусі Аляксандрам Лукашэнкам і грузінскім лідэрам Міхаілам Саакашвілі не было», — паведамляе агенцтва РІА «Новості».
Сустрэча Лукашэнкі з Пуціным перад самітам анансавалася прэс-службай кіраўніка Расеі.
У той жа час Пуцін сустрэўся зь міністрам замежных справаў Украіны Арсенем Яцанюком.
Кіраўнік прэс-службы А. Лукашэнкі Павал Лёгкі, у Душанбэ А. Лукашэнка двухбаковых перамоваў ня вёў ні з кім: «У нас у плянах ніякіх двухбаковых сустрэчаў не было».
На саміце СНД у Санкт-Пецярбургу А. Лукашэнка выступіў супраць прызначэньня былога старшыні Цэнтравыбаркаму Расеі Вешнякова на пасаду выканаўчага сакратара СНД. Цяпер ён пагадзіўся з прапановай расейскага боку прызначыць на гэтую пасаду былога дырэктара Службы замежнай выведкі Расеі Сяргея Лебедзева.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары