Kitaj skasavaŭ sistemu pracoŭnaha pieravychavańnia.
U subotu adpaviednaja prapanova była pryniata na siesii Pastajannaha kamiteta Usiekitajskaha schodu narodnych pradstaŭnikoŭ.
Akramia taho, zakanadaŭcy źmiakčyli pryncyp «adna siamja — adno dzicia», dazvoliŭšy zavodzić druhoha, kali adzin z baćkoŭ byŭ adzinym dziciem u siamji.
Parłamient faktyčna zaćvierdziŭ rašeńni, pryniatyja ŭ siaredzinie listapada plenumam kampartyi krainy. Źmieny, pavodle zadumy kitajskaha kiraŭnictva, źjaŭlajucca častkaj vysiłkaŭ, nakiravanych na ŭmacavańnie pravoŭ čałavieka i pavyšeńnie jakaści pravaprymianialnaj praktyki.
Sistema pracoŭnych łahieraŭ, viadomych jak «łaocziao», była ŭviedziena ŭ Kitai ŭ 1957 hodzie.
U ich ŭtrymlivalisia złačyncy, jakija ŭčynili niaznačnyja pravaparušeńni, a taksama ludzi, pa jakich-niebudź pryčynach niepažadanyja miascovym uładam. Asablivaściu hetych łahieraŭ źjaŭlajecca toje, što ludziej u ich adpraŭlali biez suda i śledstva, pavodle rašeńnia miascovaha palicejskaha načalstva.
Palityka «adna siamja — adno dzicia» była ŭviedziena ŭ KNR u 1970-ch dla źnižeńnia tempaŭ rostu kolkaści žycharoŭ krainy.
Adnym sa śledstvaŭ hetaj palityki stała namieciłasia skaračeńnie kolkaści pracazdolnych hramadzian i imklivaje stareńnie nasielnictva.
Kamientary