Łukašenka daručyŭ unieści ŭ statutnyja fondy dziaržaŭnych bankaŭ 4,1 trłn rubloŭ u jakaści hrašovych układaŭ. Heta praduhledžana zahadam № 576 ad 28 śniežnia 2013 h. ab udakładnieńni asobnych pakazčykaŭ respublikanskaha biudžetu na 2013 hod.
Jak havorycca ŭ dakumiencie, apublikavanym na Nacyjanalnym pravavym internet-partale, dadzienaja miera zakranie Bank raźvićcia Biełarusi, «Biełahraprambank», «Biełarusbank» i «Bielinviestbank». Ažyćciavić uniasieńnie srodkaŭ daručana Ministerstvu finansaŭ.
U pryvatnaści ŭ statutny fond Banka raźvićcia pavinna być uniesiena 2,8 trłn rubloŭ, ź jakich 1 trłn rubloŭ składuć srodki ad raźmiaščeńnia dziaržaŭnych doŭhaterminovych ablihacyj z dapamohaj naŭprostaha prodažu banku. Pa ich praduhledžanaja vypłata dachodu ŭ pamiery staŭki refinansavańnia Nacbanka, a taksama mahčymaść abmienu kaštoŭnych papier pry nadychodzie terminu ich pahašeńnia na inšyja ablihacyi.
Banku raźvićcia prapanavana realizavać «Biełahraprambanku» nabyvanyja ablihacyi ŭ adpaviednaści ź ich naminalnym koštam na pazabiržavym rynku šlacham zaklučeńnia dahavora kupli- prodažu ablihacyj. Akramia hetaha, Banku raźvićcia prapanujecca nabyć aktyvy, sfarmavanyja pry kredytavańni «Biełahraprambankam» inviestycyjnych prajektaŭ u ramkach finansavańnia dziaržprahram na sumu da 1,15 trłn rubloŭ.
Banku raźvićcia taksama daručana ažyćciavić daterminovaje pahašeńnie ablihacyj na sumu da 1 trłn rubloŭ, raźmieščanych u «Biełahraprambanku», za košt srodkaŭ, uniesienych u statutny fond. Bank raźvićcia za košt uniesienych u statutny fond srodkaŭ pavinien nabyć ablihacyi na 200 młrd rubloŭ, jakija vypuskajucca miascovymi vykanaŭčymi i rasparadčymi orhanami.
Pavieličeńnie statutnaha fondu «Bielinviestbanka» na 600 młrd rubloŭ budzie ažyćcioŭlena za košt srodkaŭ, atrymanych ad raźmiaščeńnia dziaržaŭnych doŭhaterminovych ablihacyj, pa jakich nie miarkujecca vypłata adsotkaŭ.
U statutny fond «Biełarusbanka» budzie ŭniesiena 500 młrd rubloŭ, «Biełahraprambanka» - 200 młrd rubloŭ. Hetyja aktyvy banki atrymajuć za košt reštkaŭ srodkaŭ dziaržaŭnaha metavaha biudžetnaha fondu nacyjanalnaha raźvićcia.
