Prezident Rasii Uładzimir Pucin u intervju, dadzienym šerahu rasijskich i zamiežnych telekanałaŭ, śćviardžalna adkazaŭ na zajavu žurnalista, jaki paprasiŭ jaho paćvierdzić, što jon «sapraŭdny libierał i prytrymlivajecca libieralnych pohladaŭ».
Pucin taksama abvierh domysły pra toje, što abvieščanaja ŭ śniežni 2013 amnistyja źjaŭlajecca sprobaj «apranuć uśmiešku» napiaredadni Alimpijady ŭ Sočy. Jon nahadaŭ, što
amnistyja była abvieščanaja ŭ suviazi z 20-hadovym jubilejem pryniaćcia Kanstytucyi, a nie ŭ suviazi z Hulniami
i što rašeńnie ab joj pryniaŭ rasijski parłamient, a nie jon sam.
Kamientujučy krytyku zakona ab zabaronie prapahandy homaseksualizmu siarod niepaŭnaletnich, jakaja hučyć z Zachadu, Pucin zaklikaŭ krytykaŭ spačatku vyrašyć prablemy «ŭ svaim ułasnym domie». «Ale jak jany mohuć krytykavać nas za značna bolš miakki — libieralny padychod da hetych prablemaŭ, čym u ich u samich doma?», — zajaviŭ prezident, dadaŭšy, što ŭ niekatorych štatach ZŠA isnuje kryminalnaja adkaznaść za homaseksualizm.
Pucin taksama vykazaŭ mierkavańnie, što zakon ab zabaronie prapahandy homaseksualizmu «nikoha nie kranaje». Jon zajaviŭ, što
homaseksuały ŭ Rasiei «nijak nie dyskryminujucca: ni pa prafiesijnaj prykmiecie, ni pa słužbovym roście, ni pa pryznańni z boku hramadstva». Pucin taksama pryvioŭ u prykład Ełtana Džona, jakoha ŭ Rasii «lubiać ščyra, niahledziačy na jaho aryjentacyju».
Prezident taksama zajaviŭ, što jaho nie ździŭlaje pazicyja Ruskaj pravasłaŭnaj carkvy, jakaja prapanuje ŭvieści kryminalnuju adkaznaść za homaseksualizm, bo žorstkaje staŭleńnie da adnapołaha kachańnia charakterna praktyčna dla ŭsich tradycyjnych relihij.
Razam z tym Pucin padkreśliŭ, što ŭ Rasii carkva adździelenaja ad dziaržavy, dziejańni jakoha nie zaležać ad mierkavańnia RPC.
Prezident RF taksama dadaŭ, što homaseksuały, jakija majuć namier pryjechać na Alimpijadu ŭ Sočy, mohuć ničoha nie bajacca, padkreśliŭšy, što ŭ Rasiei ŭsie ludzi roŭnyja «niezaležna ad relihii, połu, etničnaj prynaležnaści albo seksualnaj aryjentacyi».
Kamientary