U bližejšy čas sprava ŭ dačynieńni da byłoha namieśnika hienieralnaha prakurora Alaksandra Archipava budzie pradstaŭleny ŭ Hienieralnuju prakuraturu dla vyrašeńnia pytańnia ab nakiravańni ŭ sud, paviedamiŭ siońnia žurnalistam namieśnik hienieralnaha prakurora Biełarusi Alaksiej Stuk.
«Sapraŭdy było DTZ, u vyniku jakoha zahinuła dziaŭčyna, a małady čałaviek (kiroŭca) faktyčna syšoŭ ad adkaznaści», — skazaŭ Alaksiej Stuk. Jon dadaŭ, što DTZ było ŭ 2012 hodzie, a kiroŭca nie byŭ synam čynoŭnika.
Jak paviedamlałasia, u listapadzie 2013 hoda ŭ dačynieńni da byłoha namieśnika hienieralnaha prakurora Alaksandra Archipava była ŭzbudžanaja kryminalnaja sprava pa č.3 art.424 KK (złoŭžyvańnie ŭładaj abo słužbovym paŭnamoctvami). Zahadam hienieralnaha prakurora jaho namieśnik byŭ adchileny ad zajmanaj pasady i zvolnieny z orhanaŭ prakuratury za ździajśnieńnie dziejańniaŭ, jakija dyskredytujuć zvańnie prakurorski rabotnika i nie sumiaščalnyja sa słužbaj u orhanach prakuratury.
Spravu Archipava prakamientavaŭ Łukašenka na sustrečy z hienieralnym prakuroram Alaksandram Kaniukom u listapadzie 2013: «Družki tam jaho ŭciahnuli ŭ hetuju afioru, čałavieka zabili, pjany kiroŭca. Nie važna, jakija ŭ ich tam byli adnosiny, ale čałaviek zahinuŭ. Ujavicie, jak reahuje na heta siamja. Z dapamohaj ułady heta sprava zamiali. Što padumajuć ludzi, navakolnyja, siamja? Padumajuć, što ŭ nas ułady niama? Dzie spraviadlivaść? Tamu prakantralujcie, jakija prymajucca miery».
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary