Z 1985 hoda ŭ staličnym Uruččy isnuje muziej vałunoŭ.
Imi vykładziena karta Biełarusi, paznačanyja nasielenyja punkty, a taksama rečki, aziory, ŭzhorji.
Šlacham stalicy pajšli ŭ Raduni. Heta miastečka na Voranaŭščynie.
Inicyjataram stvareńnia muzieja ledavikovych vałunoŭ staŭ Ivan Fiasienka, kiraŭnik Radunskaha narodnaha historyka-krajaznaŭčaha muzieja. Jon padachvociŭ miascovych himnazistaŭ da raspracoŭki mini-prajekta «Vałuny stromkich šlachoŭ minułaha». Apošni ŭvajšoŭ u lik pieramožcaŭ mižnarodnaha prajekta «Žyvaja historyja majho kraju», jaki arhanizoŭvała Niamieckaja asacyjacyja narodnych univiersitetaŭ.
Pradstaŭnictva hetaha abjadnańnia ŭ Biełarusi akaža finansavuju padtrymku ŭ pamiery 5 tysiač jeŭra.
Stvareńniem muzieja budzie zajmacca himnazija, a taksama Voranaŭski rajvykankam.
Muziej raźmieścicca niedaloka ad navučalnaj ustanovy. Jaho płošča składzie 1 ha.
Płanujecca, što terytoryja muzieja paŭtoryć kontury rajona, pakaža jaho łandšaftnyja asablivaści i navat uznović u minijaciury vodnuju sietku rehijona.
Śpiarša ŭ muziej buduć pryviezieny 12-15 kamianioŭ. Potym ich kolkaść płanujecca pavialičyć.
Adkryć muziej płanujuć u červieni 2014 hoda.
Kamientary