Jon zapisaŭ videaintervju, u jakim padkreślivajecca, što va Ukrainie jość «usie adznaki dziaržaŭnaha pieravarotu».
Viktar Janukovič pieradumaŭ sychodzić u adstaŭku. Jon znachodzicca ŭ Charkavie i zapisaŭ videazvarot da nasielnictva Ukrainy.
Jaho intervju pakazali na małaviadomym telekanale UBR, jaki naležyć byłomu v.a. premjera Arbuzavu (synu dyrektarki banka, jaki naležyć synu Janukoviča).
Ja rabiŭ usio, kab u krainie nie było kryvapralićcia, skazaŭ Janukovič. Ale adbyłosia tak jak adbyłosia.
Ja pryjechaŭ u Charkaŭ pozna nočču, — skazaŭ Janukovič. Ja chacieŭ uziać u siońniašnim źjeździe deputataŭ usich uzroŭniaŭ, ale nie zmoh, musiŭ zaŭždy być na suviazi.
Musiŭ trymacca na suviazi, kab abaraniać ludziej, jakich bandyty siońnia pieraśledujuć, skazaŭ jon.
Ja rablu ŭsio, kab nie dapuścić pralićcia kryvi ciapier užo blizkich mnie ludziej, skazaŭ Janukovič.
«Što adbyvajecca — heta bandytyzm i dziaržaŭny pieravarot. Ja budu zmahacca z hetym. Što ja budu rabić — ja pakul nie viedaju. Ja budu jeździć pa paŭdniovym uschodzie krainy, jaki pakul jašče biaśpiečny», skazaŭ Janukovič.
Pa majoj mašynie stralali, skazaŭ Janukovič. Śpikiera Rybaka ŭčora źbili, stralali pa mašynie. Jon paprasiŭ, kab ja jaho zabraŭ, i ja jaho zabraŭ z saboj. Na lačeńnie, dadaŭ jon.
Što my budziem dalej rabić — ja budu kožny dzień heta havaryć», — kazaŭ Janukovič.
Janukovič havaryŭ pa-rasiejsku, jon byŭ bledny, hołas jaho zryvaŭsia.
«Ja nie źbirajusia vyjazdžać z krainy, ja nie źbirajusia padavać u adstaŭku, ja zakonna abrany prezident. Mnie davali harantyi ŭsie mižnarodnyja pasiaredniki, jakija tut pracavali. Ja pabaču, jak jany buduć vykonvać svaje harantyi. Ja budu prasić mižnarodnych naziralnikaŭ, kab jany spynili bandytaŭ. Ja ničoha padpisvać nie budu, z bandytami, jakija siońnia teraryzujuć krainu, hańbiać krainu».
«Ja pahladžu na reakcyju mižnarodnaj supolnaści», — dvojčy nieŭpeŭniena paŭtaryŭ Janukovič. I pieraličyŭ usich, z kim ź mižnarodnych lidaraŭ jon razmaŭlaŭ učora.
-
U hrazievym patoku ŭ Niepale zahinuła ci źnikła 5700 čałaviek
-
WSJ: Ździełka ZŠA ź Vieniesuełaj pra naftu niby śpisanaja z «Chrosnaha baćki». Ale damovy ź nielehitymnymi prezidentami majuć sumnieŭnuju kaštoŭnaść
-
U Polščy adbyŭsia pažar na zavodzie, jaki vyrablaje kamplektujučyja dla bieśpiłotnikaŭ. Praviarajecca viersija dyviersii
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1313
Kamientary