Ён запісаў відэаінтэрв'ю, у якім падкрэсліваецца, што ва Украіне ёсць «усе адзнакі дзяржаўнага перавароту».
Віктар Януковіч перадумаў сыходзіць у адстаўку. Ён знаходзіцца ў Харкаве і запісаў відэазварот да насельніцтва Украіны.
Яго інтэрв'ю паказалі на малавядомым тэлеканале UBR, які належыць былому в.а. прэм'ера Арбузаву (сыну дырэктаркі банка, які належыць сыну Януковіча).
Я рабіў усё, каб у краіне не было крывапраліцця, сказаў Януковіч. Але адбылося так як адбылося.
Я прыехаў у Харкаў позна ноччу, — сказаў Януковіч. Я хацеў узяць у сённяшнім з'ездзе дэпутатаў усіх узроўняў, але не змог, мусіў заўжды быць на сувязі.
Мусіў трымацца на сувязі, каб абараняць людзей, якіх бандыты сёння пераследуюць, сказаў ён.
Я раблю ўсё, каб не дапусціць праліцця крыві цяпер ужо блізкіх мне людзей, сказаў Януковіч.
«Што адбываецца — гэта бандытызм і дзяржаўны пераварот. Я буду змагацца з гэтым. Што я буду рабіць — я пакуль не ведаю. Я буду ездзіць па паўднёвым усходзе краіны, які пакуль яшчэ бяспечны», сказаў Януковіч.
Па маёй машыне стралялі, сказаў Януковіч. Спікера Рыбака ўчора збілі, стралялі па машыне. Ён папрасіў, каб я яго забраў, і я яго забраў з сабой. На лячэнне, дадаў ён.
Што мы будзем далей рабіць — я буду кожны дзень гэта гаварыць», — казаў Януковіч.
Януковіч гаварыў па-расейску, ён быў бледны, голас яго зрываўся.
«Я не збіраюся выязджаць з краіны, я не збіраюся падаваць у адстаўку, я законна абраны прэзідэнт. Мне давалі гарантыі ўсе міжнародныя пасярэднікі, якія тут працавалі. Я пабачу, як яны будуць выконваць свае гарантыі. Я буду прасіць міжнародных назіральнікаў, каб яны спынілі бандытаў. Я нічога падпісваць не буду, з бандытамі, якія сёння тэрарызуюць краіну, ганьбяць краіну».
«Я пагляджу на рэакцыю міжнароднай супольнасці», — двойчы неўпэўнена паўтарыў Януковіч. І пералічыў усіх, з кім з міжнародных лідараў ён размаўляў учора.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго8
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары