Da 13 hradusaŭ ciapła čakajecca pa paŭdniovym zachadzie Biełarusi ŭ pieršyja sakavickija dni.
Ab hetym paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
Pavodle jaho słoŭ, luty i zima naohuł skončacca nie pa-zimovamu ciopłym nadvorjem. Umovy nadvorja ŭ pieršyja dni tydnia buduć farmiravacca pad upłyvam vobłaści pavyšanaha atmaśfiernaha cisku.
Tak, u aŭtorak istotnych apadkaŭ nie prahnazujecca. Nočču i ranicaj miescami zhuściacca tumany, čakajecca słaby hałalod, na darohach hałalodzica. Tempieratura pavietra ŭnačy składzie minus 1—6 hradusaŭ, a dniom budzie 1—6 hradusaŭ ciapła.
U sieradu i čaćvier u asobnych rajonach, pieravažna pa zachadzie krainy, mahčymy nievialikija apadki ŭ vyhladzie daždžu i mokraha śniehu. Miescami tuman, nočču i ranicaj słaby hałalod, na darohach hałalodzica. Tempieratura pavietra ŭ načnyja hadziny składzie ad minus 5 da plus 1 hradusa, u krajnich uschodnich rajonach pry prajaśnieńniach sinoptyki čakajuć da minus 7 hradusaŭ, dniom - ad 2 da 8 hradusaŭ sa znakam plus. U čaćvier u paŭdniova-zachodnich rajonach budzie da 10 hradusaŭ ciapła.
«Nastupnyja dni buduć charaktaryzavacca pastupovym panižeńniem atmaśfiernaha cisku i pastupleńniem na terytoryju Biełarusi bolš vilhotnaha pavietra z akvatoryi Čornaha mora», - dadaŭ Dźmitryj Rabaŭ.
U piatnicu ŭ asobnych rajonach čakajucca nievialikija apadki ŭ vyhladzie daždžu i mokraha śniehu. Miescami prahnazujucca tumany, nočču i ranicaj słaby hałalod, na darohach hałalodzica. Tempieratura pavietra ŭ načnyja hadziny składzie ad minus 4 pa ŭschodzie da plus 3 hradusaŭ pa zachadzie krainy. Dniom budzie plus 2-8 hradusaŭ, u paŭdniova-zachodnich rajonach - ad 9 da 12 ciapła.
Jak adznačyŭ Dźmitryj Rabaŭ, pieršyja sakavickija dni pryniasuć z saboj ciopłaje i całkam viesnavoje nadvorje.
U vychadnyja dni, 1 i 2 sakavika, miescami prahnazujucca karotkačasovyja apadki ŭ vyhladzie daždžu i mokraha śniehu. Nočču i ranicaj u asobnych rajonach čakajucca tumany, słaby hałalod, na darohach hałalodzica.
Tempieratura pavietra ŭnačy składzie ad minus 4 da 3 hradusaŭ ciapła, dniom budzie plus 2—8, pa paŭdniovym zachadzie - da 9—13 hradusaŭ sa znakam plus.
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač16
Kamientary