U Łuhansku 400 šturmavikoŭ zachapili abładministracyju i prosiać Pucina ŭvieści vojski
U Łuhanskaj abłasnoj dziaržadministracyi prajšło pasiadžeńnie abłsavieta z paradkam dnia «Ab hramadska- palityčnaj situacyi ŭ krainie», paśla jakoha budynak abładministracyi zachapili ŭdzielniki mitynhu «Rasijskaja viasna».
Pa dadzienych pres-słužby Łuhanskaha abłsavieta, pasiadžeńnie było praviedziena «ŭ suviazi z abvastreńniem hramadska-palityčnaj situacyi ŭ krainie i zvarotam udzielnikaŭ mitynhu «Rasijskaja viasna», jaki adbyŭsia 1 sakavika ŭ Łuhansku.
Jak paviedamlaje vydańnie «0642», kala budynka Łuhanskaha abłsavieta sabrałasia kala 400 čałaviek, jakija trymajuć u rukach ściahi z rasijskim trykałoram, a taksama ściahi «Ruskaha adzinstva».
Mitynhoŭcy pryniali rezalucyju ab praviadzieńni ŭ rehijonie refierendumu ab adździaleńni Danbasa. Aryjentyrovačna refierendum pavinien adbycca ŭžo 10 sakavika.
Pa dadzienych vydańnia, siarod prysutnych abłsavietam «raspaŭsiudžvajucca čutki pra toje, što nibyta Arsień Jacaniuk płanuje ŭvodzić vojski na Łuhanščynu».
Taksama vakoł budynka nieviadomyja paškodzili mašyny — byli prakołatyja šyny, raźbityja šyby.
Akramia taho mitynhoŭcy skłali zvarot da Uładzimira Pucina, u jakim prosiać uvieści vojski ŭ Łuhansk, a taksama patrabujuć pryznać novuju ŭładu nielehitymnaj.
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary