Kubrakoŭ sustreŭsia z prezidentam Interpała i abmierkavaŭ «mižnarodnaje supracoŭnictva»
Delehacyja MUS Biełarusi na čale ź ministram Ivanam Kubrakovym znachodzicca z aficyjnym vizitam u Sacyjalistyčnaj Respublicy Vjetnam na mierapryjemstvach, pryśviečanym 80-hodździu Tradycyjnaha dnia sił narodnaj hramadskaj biaśpieki Vjetnama i 20-hodździu Usienarodnaha dnia abarony nacyjanalnaj biaśpieki.
Jak paviedamlaje pres-słužba MUS, ministr hramadskaj biaśpieki Vjetnama hienierał armii Łyonh Tam Kuanh padziakavaŭ biełaruskim kaleham za vizit i vykazaŭ upeŭnienaść u dalejšym pahłybleńni ŭzajemadziejańnia ŭ baraćbie sa złačynnaściu. Ivan Kubrakoŭ pravioŭ pieramovy z kiraŭnikami orhanaŭ unutranych spraŭ i hramadskaj biaśpieki.
Taksama jon sustreŭsia z prezidentam Mižnarodnaj arhanizacyi kryminalnaj palicyi — Interpał Achmiedam Nasieram Al Raisi.
«Kiraŭniki abmierkavali klučavyja pytańni mižnarodnaha supracoŭnictva ŭ śfiery baraćby z transnacyjanalnaj złačynnaściu, umacavańnia kanałaŭ uzajemadziejańnia pamiž pravaachoŭnymi orhanami, a taksama pierśpiektyvy realizacyi sumiesnych inicyjatyŭ u halinie supraćdziejańnia arhanizavanaj złačynnaści», — paviedamlaje pres-słužba MUS.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary
Ci zdolnyja mižnarodnyja struktury źmianiacca, reahavać na źmieny ŭ mižnarodnym stanoviščy?