Donald Tramp u intervju telekanału Fox News raskazaŭ, što staršynia KNR Si Czińpin nibyta abiacaŭ jamu nie rabić uvarvańnia na Tajvań, pakul jon zajmaje pasadu prezidenta ZŠA. Razmova, pavodle Trampa, adbyłasia raniej, i kitajski lidar dadaŭ, što Kitaj «vielmi ciarplivy».
«Jon skazaŭ mnie: «Ja nikoli nie zrablu hetaha, pakul vy prezident» […] i ja adkazaŭ: «Što ž, ja caniu heta». Ale jon taksama skazaŭ: «Ale ja vielmi ciarplivy, i Kitaj vielmi ciarplivy».
Hetyja słovy Tramp skazaŭ 15 žniŭnia pierad svajoj sustrečaj z prezidentam Rasii Uładzimiram Pucinym na Alascy. Kitajskaje pasolstva ŭ Vašynhtonie situacyju nie kamientavała.
ZŠA — hałoŭny pastaŭščyk uzbrajeńniaŭ dla Tajvania i jaho sajuźnik, ale, jak i bolšaść inšych dziaržaŭ, nie maje ź im aficyjnych dypłamatyčnych adnosin. Piekin ličyć Tajvań častkaj svajoj terytoryi, a niezaležnaść vostrava pryznajuć tolki 13 krain śvietu.
U sakaviku vydańnie The Washington Post pisała, što strymlivańnie mahčymaj sproby Kitaja zachapić Tajvań i ŭzmacnieńnie ŭnutranaj biaśpieki źjaŭlajucca adnymi z hałoŭnych pryjarytetaŭ ZŠA ŭ ramkach stratehii nacyjanalnaj abarony, sfarmulavanaj Donaldam Trampam.
Sireny i evakuacyja: na Tajvani trenirujucca ŭ vypadku ŭvarvańnia Kitaja
Tajvań choča adarvać svaju ekanomiku ad Kitaja. Nakolki heta realna?
U Kitai nazvali prezidenta Tajvania «parazitam» i adpravili vojski na vučeńni da vostrava
Sakretny dakumient Pientahona pakazaŭ rezkuju źmienu vajennych pryjarytetaŭ ZŠA
Čamu niezaležnaść i stanovišča Tajvania zaležać ad vynikaŭ vajny Rasii va Ukrainie
Kamientary