Pra heta ministr zamiežnych spraŭ Biełarusi Uładzimir Makiej, jaki z 27 lutaha pa 1 sakavika znachodziŭsia ź vizitam u Łatvii i Litvie, zajaviŭ u intervju bałtyjskamu ahienctvu navinaŭ BNS.
Ale, što tyčycca pieranosu hetych źjaŭ [ukrainskich] na terytoryju Biełarusi, ja absalutna skieptyčna hladžu na padobnaha rodu śćvierdžańni. Čamu? Bo situacyja ŭ Biełarusi i situacyja va Ukrainie radykalna adroźnivajucca. Ja nie chacieŭ by nikoha vinavacić u hetaj situacyi. Ale Vy možacie pahutaryć z pradstaŭnikami ŭkrainskaha biźniesu abo z pradstaŭnikami ŭkrainskaj hramadzianskaj supolnaści, i jany Vam raskažuć, jakaja situacyja była va Ukrainie. Mnie zdajecca, što hety elemient karupcyi, jakaja jak irža raźjadaje dziaržavu i hramadstva, syhraŭ adnu z hałoŭnych rolaŭ va ŭkrainskim palityčnym kryzisie, akramia šerahu inšych pamyłak, jakija byli dapuščanyja kiraŭnictvam Ukrainy.
U nas takoha niama. Rachunkaŭ u našaha prezidenta za miažoj niama. Syny prezidenta nie zajmajucca biźniesam. Karupcyja ŭ nas, skažam, isnuje, ale na fonie Ukrainy jana praktyčna nie zaŭvažna i jana rašuča spyniajecca.
Vy možacie sa srodkaŭ masavaj infarmacyi pačuć, što litaralna niekalki dzion tamu zatrymany kiraŭnik kancerna «Biellehpram» za niejki chabar. Da hetaha taksama šerah kiraŭnikoŭ byli zatrymanyja. Pravaachoŭnyja orhany ŭ nas pravodziać vielmi vyraznuju pryncypovuju liniju ŭ duchu ustanovak kiraŭnika dziaržavy. I ja viedaju, što prezident prosta na duch nie pieranosić padobnaha rodu rečy, kali čynavienstva sprabuje zraścisia ź biźniesam i zarabić niejkija dyvidendy na hetym. Tamu z hetaha punktu hledžańnia my absalutna spakojnyja. Ale, paŭtarusia, viadoma ž, my staranna sočym za situacyjaj i prymiem adpaviednyja miery dla taho, kab našy miažy byli biaśpiečnyja.
Z nahody [vyzvaleńnia] Bialackaha niama novaj infarmacyi?
Nakolki mnie viadoma, vyvučajucca abstaviny hetaj spravy. Ja nie mahu zaraz harantavać, adkazvać za hienprakuraturu i za adpaviednyja struktury, ale abstaviny hetaj situacyi vyvučajucca.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary