Vadzim Hihin asudziŭ «Našu Nivu» za adnabakovaść u aśviatleńni ŭkrainskich padziej
«Niešmatlikija ŚMI ŭ śviecie zmahli zachavać niejtralitet, kali pisali pra padziei va Ukrainie. Da našaha honaru, treba skazać, što biełaruskija ŚMI, aficyjnyja i nieaficyjnyja, zmahli heta zrabić», — zajaviŭ na kruhłym stale siabroŭ Biełaruskaj asacyjacyi žurnalistaŭ (BAŽ) i aficyjnaha Biełaruskaha sajuza žurnalistaŭ (BSŽ), pryśviečanym situacyi va Ukrainie, hałoŭny redaktar časopisa Administracyi prezidenta «Biełaruskaja dumka» i viadučy tok-šou «Pazicyja» na ANT Vadzim Hihin.
Kruhły stoł adbyŭsia ŭ Niamieckim adukacyjnym centry IBB u Minsku 4 sakavika.
U toj ža čas Hihin raskrytykavaŭ sajt NN.BY haziety «Naša Niva» za adnabakovaść u aśviatleńni ŭkrainskich padziej.
Taksama jon raskrytykavaŭ zahałovak infarmacyi pra vynik chakiejnaha matča «Raša, hud baj! Finlandyja – Rasija – 3:1». Na jahonuju dumku, u hetym žarcie «praktyčna raspalvańnie rusafobii».
Na dumku Hihina, maderacyja kamientaŭ na NN.BY z zaklikami da parušeńnia terytaryjalnaj cełasnaści krain, ahresii, aneksii, vajny, była niapravilnym padychodam, bo ŭ kamientarach, jakija traplali na sajt, usio adno prachodzili nadzvyčaj žorstkija, časam dachodziła da niecenzurnaj łajanki. Na dumku Hihina, najlepšym vychadam tut było b zakryć kamientary, jak toje było zroblena na šerahu infarmacyjnych resursaŭ.
U svaju čarhu, staršynia BAŽ Žanna Litvina nie pahadziłasia ź mierkavańniem pra «niejtralitet» dziaržaŭnych ŚMI. Aficyjnyja naviny čaściakom padčas ukrainskaha kryzisu zajmalisia zamoŭčvańniem infarmacyi, a kali siužety pra kijeŭskija padziei traplali ŭ efir, to demanstrantaŭ u Kijevie nazyvali vyklučna «radykałami» i «pravakatarami», a padziei apisvali ŭ niehatyŭnym śviatle.
Pry kancy sustrečy Vadzim Hihin paprasiŭ ušanavać chvilinaj maŭčańnia pamiać narodnaha paeta Biełarusi Ryhora Baradulina.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1111
Kamientary