Rasijskija vajskoŭcy zdymajuć błakadu ŭkrainskich vajskovych častak u Krymie. Pavodle źviestak «Ukrainskaj praŭdy», hruzaviki z rasijanami, jakija błakavali vajskovuju častku ŭkrainskaj bierahavoj achovy ŭ Pieravalnym, užo źjechali.
Akramia taho, u Fieadosii rasijskaja technika i sałdaty spynili błakavańnie ŭkrainskaj častki marskoj piachoty i adyšli ŭ bok častki ČF RF. Takaja ž situacyja i ŭ Bachčysarai.
Kiraŭnik Centra vajenna-palityčnych daśledavańniaŭ Dźmitryj Cimčuk taksama paćviardžaje infarmacyju ab źniaćci błakavańnia ŭkrainskich vajennych častak rasijcami.
«Adnak na miescy zastajucca «turysty Pucina». U Fieadosii jany pałochajuć ukrainskich marpiechaŭ tym, što znojduć i fizična źniščać ich siemji. Nie vyklučany šturm», — adznačyŭ jon.
«Pa niekatorych dadzienych, adjezd moža być vyklikany ratacyjaj padraździaleńniaŭ rasijskich akupantaŭ (h.zn. na ich miesca prybudzie zamiena). Infarmacyja adsočvajecca», — dadaŭ Cimčuk.
Sakratar Rady nacyjanalnaj biaśpieki i abarony Andrej Parubij zajaviŭ, što Rasija sprabuje pieradysłakavać svaje vojski ŭ Krym, kab misija ABSIE nie zafiksavała ich prysutnaści.
Jak stała viadoma paźniej, błakada sapraŭdy nieŭzabavie adnaviłasia.
