Rasijskaja sacyjalnaja sietka ŭbačyła ŭ biełaruskim nacyjanalnym hierbie simvały ekstremizmu
Papularnaja sacyjalnaja sietka Vkontaktie zabłakavała dadatak, raspracavany biełaruskim patryjotam Kanstancinam Novikavym admysłova da Dnia Voli.
Metaj dadzienaj internet-prahramy stajała «sabrać» Vkontaktie nie mienš 10.000 biełarusaŭ dla śviatkavańnia Dnia Voli 25 sakavika, a hetak ža apieratyŭna infarmavać patencyjnych udzielnikaŭ ab usich padziejach, źviazanych sa śviatočnaj dataj pa ŭsioj krainie.
Paśla raspracoŭki prahramy, jana była adpraŭlena na maderacyju administracyi sacyjalnaj sietki, dla taho, kab uklučyć jaje ŭ ahulny katałoh prykładańniaŭ. Adnak raspracoŭščyk atrymaŭ niečakany adkaz: «Vam admoŭlena ŭ raźmiaščeńni Prykładańnia ŭ suviazi z parušeńniem zakanadaŭstva KaAP RF art. 20.3. (Prapahanda i publičnaje demanstravańnie nacysckaj atrybutyki abo simvoliki albo publičnaje demanstravańnie atrybutyki abo simvoliki ekstremisckich arhanizacyj)». U čym ekstremizm (albo nacyzm?) maderatary adkazvać nie stali, spasłaŭšysia na svaje ž praviły. Poŭny skryn adkazu maderatara prykładajecca.
