Palityčnyja siły Danieckaj vobłaści źviarnulisia da prezidenta RF Uładzimira Pucina z prośbaj spynicca i nie ŭmiešvacca va ŭnutranuju palityku suvierennaj dziaržavy — Ukrainy.
Dadzieny zvarot byŭ pryniaty na sumiesnaj naradzie kiraŭnikoŭ usich abłasnych arhanizacyj palityčnych partyj rehijona ŭ prysutnaści staršyni Danieckaj abłasnoj dziaržaŭnaj administracyi Siarhieja Taruty.
«My, pradstaŭniki rehijanalnych arhanizacyj palityčnych partyj Ukrainy ŭ Danieckaj vobłaści, źviartajemsia da vas z zaklikam nie dapuścić fatalnaj pamyłki, praduchilić dalejšuju eskałacyju kanfliktu, jaki moža kančatkova razburyć histaryčnyja suviazi i dobrasusiedskija adnosiny pamiž Ukrainaj i Rasijskaj Fiederacyjaj», — havorycca ŭ zvarocie.
Aŭtary zvarotu padkreślili:
«Uśviedamlajučy, što naša kraina znachodzicca pierad pahrozaj maštabnaha ŭvarvańnia rasijskich vojskaŭ, my zaklikajem da vas: «Spyniciesia!» Kožny vaš nastupny krok nabližaje nie tolki Ukrainu, ale i Vialikuju Rasiju da toj kropki niezvarotu, za jakoj našyja narody ŭžo nikoli nie zmohuć być sapraŭdy braterskimi».
Pradstaŭniki partyj zajavili, što, «źjaŭlajučysia patryjotami Ukrainy i vystupajučy za cełasnaść i niepadzielnaść svajoj krainy, my, jak i miljony ŭkrainskich hramadzian, prosim vas nie ŭmiešvacca va ŭnutranuju palityku suvierennaj dziaržavy, pakinuŭšy prava za nami budavać instytuty hramadzianskaj supolnaści ŭ svabodnaj i niezaležnaj demakratyčnaj krainie».
Aŭtary zvarotu zajaŭlajuć, što «ruskamoŭny Danbas, jak i ŭvieś Uschod Ukrainy, a taksama Ukrainski Krym nie majuć patreby ŭ vajennaj abaronie z boku Rasijskaj Fiederacyi, i tema dyskryminacyi nacyjanalnych mienšaściaŭ, pra jakuju praciahvajuć kazać rasijskija ŚMI, źjaŭlajecca cyničnaj dezinfarmacyjaj, na jakoj nie moža być pabudavany scenar vajennaj aneksii mirnaj i demakratyčnaj dziaržavy!».
«Pavažajučy vas jak biezumoŭnaha lidera bratniaha nam, rasijskaha narodu, addajučy naležnaje za toj układ, jaki vy zrabili, ŭmacoŭvajučy adnosiny pamiž našymi krainami, my nastojliva prosim vas nie pierapisvać adnaasobna Historyju nie tolki našych susiednich dziaržaŭ, ale i svaju asabistuju: zastańciesia ŭ joj palitykam, imia jakoha budzie nie zaplamlenaje!», — havorycca ŭ zvarocie.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary