«Padčas rasśledavańnia ŭstanoŭlena, što padazravanaja, jakaja pracavała kasiram-pryjomščykam juvielirnaj majsterni na praśpiekcie Niezaležnaści, 93, prymała ad hramadzian łom zołata i afarmlała zamovy na vyrab ź jaho ŭpryhožańniaŭ. Pry hetym vydavała kvitancyi, jakija nie mieli jurydyčnaj siły. Aficyjny ŭlik apieracyj nie viała, a rasparadžałasia daviernaj majomaściu pa svaim mierkavańni», — zajaviŭ pradstaŭnik upraŭleńnia Śledčaha kamiteta pa Minsku Alaksandr Hierasimaŭ.
Viadoma pra siem epizodaŭ. Śledčyja miarkujuć, što padobnych vypadkaŭ mahło być bolš. I prosiać tych, chto paciarpieŭ ad žančyny na fota albo maje karysnuju dla śledstva infarmacyju, źviartacca ŭ Pieršamajski RASK Minska na: (017) 285-70-29, (029) 112-95-76 (śledčy Dźmitryj Alaksandravič).
