Расійская армія абвясціла ўкраінскім вайскоўцам у Бельбеку чарговы ультыматум: здацца альбо будзе штурм.
Пра гэта паведаміў кіраўнік медыя-цэнтра Мінабароны Украіны ў Крыме Уладзіслаў Селязнёў у Facebook.
«Крыніцы з Бельбека паведамляюць аб чарговым ультыматуме: здацца ці будзе штурм. Чакаюць вынікі рашэння па тэлефоне на працягу 15 хвілін», — адзначыў Селязнёў.
Акрамя таго, гэтую інфармацыю пацвердзіла журналістка Наталля Седлецкая. «Акупанты акружылі аэрадром Бельбек. Паставілі нашым ультыматум — не выйдуць без зброі, пачнецца штурм», — напісала яна ў Twitter.
Як паведамляе «Украінская праўда», ужо прагучала першая баявая сірэна з боку расійскай арміі, з'явіліся снайперы.
Па словах журналісткі Мірыям Драгінай, камандуючы вайсковай часткі Юлій Мамчур заклікаў сваіх ваенных заставацца вернымі прысязе. Па інфармацыі СМІ, ва ўкраінскай частцы мала зброі — старая зеніткі, тры грузавікі і адзін аўтамат на пяцярых. Таксама паведамляецца, што ў час перагавораў Мамчура з прадстаўніком расіян, камандуючы ўкраінскай часткі сказаў яму, што загаду здавацца не было, і ўсе ваенныя застаюцца на сваіх месцах. Разам з тым расійскі ваенны заявіў: «Тваё кіраўніцтва далёка, а людзей пакладзеш ты», — паведаміла журналістка.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары