Prezident Biełarusi Alaksandr Łukašenka daŭ intervju dla ŭkrainskaj teleprahramy «Šuster Live».
Zroblenyja 23 sakavika zajavy prezidenta Biełarusi vyklikali vialikuju cikavaść va Ukrainie. Savik Šuster, aŭtar i viadučy adnoj z najbolš papularnych, demakratyčnych i svabodalubnych ŭkrainskich telepieradač «Šuster Live», paprasiŭ Alaksandra Łukašenku adkazać na złabadzionnyja pytańni.

Padčas intervju zakranałasia tema adkaznaści kiraŭnika dziaržavy za los krainy i jaje naroda.
«Što tyčycca Janukoviča: Nu, jaki jon dla mianie prezident? Voś apošni jaho vystup: tavaryšy, spadary, ja žyvy, zdarovy, ja hałoŭnakamandujučy uzbrojenymi siłami. Adrazu pytańnie: A dzie tvaja armija?» — skazaŭ Alaksandr Łukašenka.
«Prezident pavinien być sa svaim narodam, jak by ni było ciažka. Navat kali ŭ ciabie zaŭtra buduć stralać i ciabie zabjuć — tvoj los taki. Ty, značyć, pavinien prynieści siabie ŭ achviaru. A jak ža? U rezidencyi siadzieć, upivacca svajoj uładaj, a kali ciažka, tady źbiehčy? Nie, ja hetaha nie pryznaju», — padkreśliŭ biełaruski lider.
«Tamu, kali ŭ Radzie hučać hałasy, što prezident Janukovič samaadchiliŭsia ad vykanańnia svaich abaviazkaŭ i źbieh, što suprać hetaha supraćpastavić?» — adznačyŭ kiraŭnik biełaruskaj dziaržavy.
«Viedajecie, ja nie chaču, kab usie padumali, što Łukašenka taki «piarekrut» — učora siabravaŭ ź Janukovičam, a siońnia tak kaža. Ja jaho asudžaju jak siabra. Jak chočacie, tak i razumiejcie mianie. Prezidenty nie pavinny hetaha rabić, — upeŭnieny Alaksandr Łukašenka. — Kali niama z kim vajavać, biary strelbu, idzi adzin. Zabjuć… My ŭsie budziem tam rana ci pozna. Ale ni tvaim siabram, ni tvaim svajakam, ni tvaim synam za ciabie soramna potym nie budzie. Voś moj padychod».
Intervju prezidenta Biełarusi budzie pakazanaje ŭ efiry ŭkrainskaha telekanała «Pieršy nacyjanalny» ŭ prahramie «Šuster Live» u piatnicu, 28 sakavika, u 19:30 pa kijeŭskim časie.
Kamientary