Barak Abama zajaviŭ, što praz supraćstajańnie Zachadu z Rasijaj i anieksiju Kryma novaja chałodnaja vajna nie pačynajecca, ale rasijski narod zrazumieje, što nie zmoža dasiahnuć biaśpieki, zamožnaści i pavahi ŭ śviecie, vykarystoŭvajučy hrubuju siłu.
Pra heta amierykanski prezident zajaviŭ paśla samitu ES — ZŠA.
«Zrazumiejcie, heta nie novaja chałodnaja vajna. U adroźnieńnie ad Savieckaha Sajuza, Rasija nie staić na čale błoka dziaržavaŭ, nie maje hłabalnaj ideałohii. ZŠA i NATO nie chočuć nijakaha kanfliktu z Rasijaj», — skazaŭ amierykanski prezident.
«Nasamreč za 60 hadoŭ my z NATO nie zavajoŭvali novych terytoryj, ale byli razam, kab našy narody byli svabodnymi. Ale što my zaŭsiody budziem rabić — dyk heta trymacca našaha nieparušnaha abaviazańnia — Artykuła 5 (Damovy NATO), abaraniajučy suvierenitet i terytaryjalnuju cełasnaść našych sajuźnikaŭ. I hetaje abaviazańnie my nie parušym», — dadaŭ Abama.
Jon adznačyŭ, što ciapier samaloty NATO patrulujuć nieba nad bałtyjskimi krainami, i NATO taksama ŭzmacniła prysutnaść u Polščy i dalej hatovaja naroščvać prysutnaść u rehijonie ŭ vypadku nieabchodnaści.
«Viadoma, Ukraina — nie siabar NATO, častkova praz składanuju historyju ŭzajemaadnosin z Rasijaj. Z časam rasijski narod zrazumieje, što jon nie zmoža dasiahnuć biaśpieki, zamožnaści i žadanaha statusu ŭ śviecie z dapamohaj hrubaj siły», — skazaŭ Abama.
«Voś čamu ciaham kryzisu (u Krymie) my budziem abjadnoŭvać naš cisk na Rasiju z palitykaj adčynienych dźviarej dla dypłamatyi. I ja vieru, što dla Ukrainy i Rasii stabilny mir pryjdzie praz deeskałacyju, praz naŭprosty dyjałoh uradaŭ krain i mižnarodnaj supolnaści», — zajaviŭ amierykanski lidar.
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary