Novym hienieralnym sakratarom NATA ŭčora, 28 sakavika, pryznačany eks-premjer Narviehii Jens Stołtenbierh, havorycca ŭ zajavie aljansu.
Krainy NATO ŭchvalili kandydaturu Stołtenbierha adnahałosna.
Na hetaj pasadzie jon źmienić Andersa Foh Rasmusiena paśla taho, jak toj składzie ź siabie paŭnamoctvy paśla samitu NATA ŭ pačatku vieraśnia ŭ stalicy Uelsa, Kardyfie.
Stołtenbierh uznačalvaŭ urad Narviehii dvojčy —paŭtara hady ŭ 2000—2001, a potym z 2005 pa 2013. Jon byŭ premjer-ministram padčas masavaha zabojstva, ździejśnienaha Andersam Brejvikam ŭ 2011 hodzie.
Pryčynaj adstaŭki Stołtenbierha stali vyniki vybaraŭ u parłamient. Narviežskaja rabočaja partyja, jakuju jon uznačalvaje, atrymała hałasoŭ bolš za inšyja partyi, ale jaje padviali sajuźniki, adznačaje RBK.
Stołtenbierhu 55 hadoŭ, maje dypłom ekanamista univiersiteta Osła. Pierad tym jak stać palitykam, byŭ žurnalistam.
Žanaty, u jaho dvoje dziaciej. Jaho baćka byŭ ministram zamiežnych spraŭ, maci — hienietykam i palitykam
Pa słovach brytanskaha premjer-ministra Devida Kemierana, jakoha cytuje Bi-Bi-Si,
novamu kiraŭniku aljansa pryjdziecca mieć spravu nie tolki z kryzisam u adnosinach pamiž Ukrainaj i Rasijaj, ale taksama i z vyvadam kantynhientu NATA z Afhanistana da kanca 2014 hoda.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary