Kamitet patryjatyčnych sił Danbasa raspaŭsiudziŭ zajavu ab situacyi ŭ Danieckam rehijonie, u jakoj zaklikaŭ ułady Ukrainy kvalifikavać dziejańni ŭzbrojenych asob na terytoryi vobłaści jak teraryzm, adnak nie ŭžyvać siłu da ludziej, jakija zaniali Danieckuju abładministracyju. Kamitet patryjatyčnych sił Danbasa — kaalicyja, jakaja abjadnoŭvaje try dziasiatki palityčnych partyj i hramadskich arhanizacyj
«Kamitet patryjatyčnych sił Danbasa kanstatuje kryzis ułady ŭ Danieckaj vobłaści i kryminalna-sieparatyscki pieravarot, nakiravany na źviaržeńnie kanstytucyjnaha ładu i parušeńnie cełasnaści krainy. Dziejańni sieparatystaŭ, a taksama tych, chto padtrymaŭ ich — karumpavanych pradstaŭnikoŭ ułady i pravaachoŭnych orhanaŭ, — źjaŭlajucca pahrozaj dla miru ŭ rehijonie i mohuć być kvalifikavanyja jak teraryzm», - havorycca ŭ zajavie Kamiteta, tekst jakoha pryvodzić internet -vydańnie «Naviny Danbasa» ŭ niadzielu.
Pry hetym Kamitet pryznaje, što adkaznaść za situacyju, jakaja skłałasia, lažyć i na ŭładach, «jakija ničoha nie zrabili dla źmieny karupcyjnaj dziaržaŭnaj sistemy, daviała ludziej da rospačy i ŭzmacnić antydziaržaŭnyja nastroi». Nijakich namahańniaŭ nie było zroblena i dla refarmavańnia pravaachoŭnych orhanaŭ i ich ačyščeńnia.
«U suviazi z hetym KPSD patrabuje ad urada samych rašučych dziejańniaŭ u adnosinach da ŭzbrojenaj hrupy ludziej, što zachapiła budynki adździełaŭ milicyi ŭ haradach vobłaści. Hetyja dziejańni nie abumoŭleny palityčnymi matyvami, heta dyviersijnaja hrupa», — adznačajecca ŭ zajavie.
U toj ža čas Kamitet źviarnuŭsia da ŭładaŭ krainy z prośbaj nie paharšać situacyju siłavymi dziejańniami ŭ adnosinach da ludziej, jakija zachapili Danieckuju dziaržaŭnuju abłasnuju administracyju i vyłučajuć palityčnyja patrabavańni.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie49
Kamientary