U Italii zatrymali 36‑hadovaha hramadzianina Biełarusi, jaki abakraŭ kvateru, a paśla hetaha pasprabavaŭ zhulać u dziaržaŭnuju łatareju za hrošy zdabytyja takim čynam, paviedamiła miascovaja palicyja.
Mužčyna abakraŭ kvateru ŭ prybiarežnym horadzie Ościja niedaloka ad Ryma. Jon skraŭ hrošy, bankaŭskija kartki i asabistyja rečy ŭładalnikaŭ. Paśla taho biełarus sprabavaŭ pakinuć miesca złačynstva na čužym elektrasamakatie, ale byŭ zaŭvažany haspadyniaj. Paśla taho, jak žančyna zakryčała, mužčyna pakinuŭ samakat i ŭciok.
Paśla taho jon vyrašyŭ kupić łatarejnyja bilety Gratta e Vinci, raspłaciŭšysia skradzienymi kartkami. Haspadynia kvatery, adnak, adrazu atrymała apaviaščeńni pra tranzakcyi ŭ bankaŭskim dadatku i paviedamiła ŭ słužbu ekstrannaj dapamohi.
Palicyja chutka vyśvietliła miesca ździajśnieńnia apieracyj i zatrymała padazravanaha kala aŭtamata dla prodažu biletaŭ pobač z tabačnaj kramaj. Pry pieratrusie ŭ jaho znajšli kašalok uładalnicy, astatnija hrošy, bankaŭskija kartki i častku inšych skradzienych rečaŭ — płanšet i biespravadnyja navušniki, schavanyja ŭ kurtcy pad kustom.
Dziakujučy hieałakacyi italjanskija pravaachoŭniki zmahli chutka znajści i astatnija rečy, skradzienyja ŭ kvatery.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary