Aerafłot: Ukraina zabaraniła ŭjezd rasijskim hramadzianam mužčynskaha połu va ŭzroście ad 16 da 60 hadoŭ
Aerafłot paviedamlaje pasažyraŭ ab žorstkich abmiežavańniach, nakładzienych ukrainskimi ŭładami na ŭjezd u krainu.
Pra heta havorycca na sajcie Aerafłota.
Pavodle paviedamleńnia, u pierasiačeńni dziaržaŭnaj miažy Ukrainy budzie admoŭlena ŭsim hramadzianam RF mužčynskaha połu uzrostam ad 16 da 60 hadoŭ, a taksama hramadzianam Ukrainy mužčynskaha połu uzrostam ad 16 da 60 hadoŭ, jakija zarehistravanyja na terytoryi Aŭtanomnaj Respubliki Krym i horada Sievastopala.
«Propusk hetaj katehoryi budzie ažyćciaŭlacca pa rašeńniu načalnika rehijanalnaha kiravańnia (pahraničnaha atrada) paśla praviadzieńnia kantrolu tolki ŭ ekstranych vypadkach pry najaŭnasci: dakumientaŭ, jakija paćviardžajuć svajackija suviazi, śmierć abo ciažkuju chvarobu blizkich svajakoŭ, zavieranych aryhinałaŭ zaprašeńniaŭ jurydyčnych i fizičnych asob abo na padstavie infarmavańnia nakiravanych Administracyjaj Dziaržpahransłužby», — skazana ŭ paviedamleńni.
Krymčan buduć prapuskać u Ukrainu taksama pry najaŭnaści biletaŭ na samaloty i turystyčnych vaŭčaraŭ.
«Biez paćviardžajučych dakumientaŭ ŭjezd budzie dazvoleny tolki hramadzianam RF, jakija jeduć siemjami ź dziećmi», — skazana ŭ paviedamleńni.
Hramadzianie Ukrainy žanočaha połu uzrostam ad 20 da 35 hadoŭ, jakija zarehistravanyja na terytoryi Aŭtanomnaj Respubliki Krym i horada Sievastopal, buduć prapuščany na terytoryju Ukrainy tolki pa vynikach praviadzieńnia filtracyjna-pravieračnych mierapryjemstvaŭ.
Ciapier čytajuć
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki4
Kamientary