Samit JeŭrAzES: supolny rynak nafty i hazu budzie sfarmavany tolki da 2025 hoda
Pytańnie pošlin na naftapradukty pa-raniejšamu budzie vyrašacca na dvuchbakovym uzroŭni. Pra heta zajaviŭ staršynia Kalehii Jeŭrazijskaj ekanamičnaj kamisii Viktar Chryścienka pa vynikach pasiadžeńnia Vyšejšaha Jeŭrazijskaha ekanamičnaha savieta ŭ pašyranym składzie.
«Pošliny na naftapradukty na siońniašni dzień źjaŭlajucca pradmietam dvuchbakovych damoŭlenaściaŭ i da farmiravańnia ahulnaha rynku zastanucca pradmietam ŭrehulavańnia na dvuchbakovaj asnovie», — skazaŭ Viktar Chryścienka.
«Ci budzie adbyvacca transfarmacyja ŭ hetym sensie i jakaja —budzie vyrašacca paralelna z pracaj nad damovaj ab Jeŭrazijskim ekanamičnym sajuzie ŭžo tolki pamiž Respublikaj Biełaruś i Rasijskaj Fiederacyjaj», — dadaŭ jon.
«Nie paźniej za 2025 hod pačnuć funkcyjanavać ahulnyja rynki nafty, naftapraduktaŭ, hazu», — skazaŭ Viktar Chryścienka.
U 2018 budzie zaćvierdžana prahrama pa farmiravańni hetych rynkaŭ. Jak rastłumačyŭ Viktar Chryścienka, kab zapuścić pracu ahulnych rynkaŭ, spatrebicca padpisańnie śpiecyjalnych mižnarodnych dahavoraŭ, jakija prapisany ŭ prajekcie damovy ab Jeŭrazijskim ekanamičnym sajuzie.
«Kali heta adbudziecca raniej za 2025 hod, što damova dapuskaje, značyć, jany [rynki] pačnuć dziejničać raniej», — adznačyŭ jon.
Što tyčycca pytańnia ab miescy raźmiaščeńnia nadnacyjanalnaha orhana, to Viktar Chryścienka adznačyŭ, što vyrašana zachavać status- kvo, heta značyć kamisija praciahnie svajo funkcyjanavańnie ŭ Maskvie.
Havoračy ab stvareńni finansavaha rehulatara, staršynia Kalehii JEEK raspavioŭ, što ŭ damovie ab Jeŭrazijskim ekanamičnym sajuzie prapisany vychad na farmiravańnie finansavaha rehulatara ŭ 2025 hodzie z raźmiaščeńniem jaho ŭ Ałmaty.
Ciapier čytajuć
Cichanoŭski: Ja ž nie viedaŭ, što ludzi bajacca pakazvać tvary i bajacca za svaich svajakoŭ! Ja nabivaju huzy sam31
Kamientary