Madrydski «Reał» razhramiŭ miunchienskuju «Bavaryju» ŭ druhim (u adkaz) paŭfinalnym matčy Lihi čempijonaŭ UEFA, jaki adbyŭsia na pole niamieckaj kamandy — 4:0.
Da pačatku hulni vidavočnym favarytam matču ličyłasia «Bavaryja», jakaja praviała vielmi jarki siezon u nacyjanalnym čempijanacie Bundeślihi. Miž tym, ispanski «Reał» idzie tolki na trecim miescy ŭ nacyjanalnaj Prymiery.
U pieršym matčy hetych kamand u Madrydzie «Reał» vyjhraŭ ź likam 1:0. A matč u adkaz pieratvaryŭsia ŭ siensacyjny razhrom niamieckaj kamandy.
Na 16-j chvilinie Sierchia Ramas adkryŭ lik, na 20-j jon ža zrabiŭ dubl, a na 34-j Kryšcijanu Ranałdu davioŭ lik da 0:3, a na 90-j i jon zrabiŭ dubl — 0:4.
Kryšcijanu Ranałdu zabivaje druhi hoł / Reuters
Takim čynam, «Reał» vyjšaŭ u finał Lihi čempijonaŭ, abyhraŭšy supiernika pa sumie dvuch matčaŭ ź likam 5:0. Supiernik «Reała» pa finale vyznačycca ŭ sieradu, pa vynikach matča ŭ adkaz u pary kamand «Čełsi» (Łondan) — «Atletyka» (Madryd). Pieršuju hulniu hetyja kamandy zhulali ŭničyju — 0:0.
Kamientary