Zahinuŭ viadomy aŭstryjski parašutyst-ekstremał Fieliks Baŭmhartner
Aŭstryjski parašutyst Fieliks Baŭmhartner zahinuŭ u vyniku niaščasnaha vypadku padčas palotu na parapłanie kala ŭźbiarežža Adryjatyčnaha mora ŭ Centralnaj Italii, paviedamlaje vydańnie Kurier. Jamu było 56 hadoŭ.
Baŭmhartner nabyŭ suśvietnuju viadomaść u 2012 hodzie dziakujučy svajmu skačku sa strataśfiery. Jon ustanaviŭ try suśvietnyja rekordy, skoknuŭšy z vyšyni zvyš 38 km i raźviŭšy chutkaść 1173 km/h.
Akramia taho, Fieliks Baŭmhartner staŭ pieršym čałaviekam, jaki ździejśniŭ skačok z parašutam ź vijaduka Mijo ŭ Francyi, chmaračosa Turning Torso ŭ Malmie ŭ Šviecyi, a taksama z 90-ha paviercha samaha vysokaha na toj momant budynka ŭ śviecie — chmaračosa Tajbej 101.
Paviedamlajecca, što Fieliksu Baŭmhartneru stała drenna padčas palotu na parapłanie. Jahony aparat upaŭ u basiejn hatela na bierazie Italii. U vyniku hetaha paciarpieła žančyna, jaje špitalizavali.
Za piać dzion da hibieli Baŭmhartner publikavaŭ fota na parapłanie ŭ Italii i pytaŭsia padpisčykaŭ: «Dzie vy adpačyvajecie sioleta?»
Skačok Baŭmhartniera sa strataśfiery: novaje videa
Zapis z kamiery Baŭmhartnera — aściarožna, moža stać młosna
Daścipnaja fotažaba na skačok-podźvih biasstrašnaha Fieliksa Baŭmhartnera
Aŭstryjec Fieliks Baŭmhartner skočyŭ z vyšyni 39 km — videa
Vice-prezident Google skoknuŭ z vyšyni 41 km, pabiŭšy rekord Baŭmhartniera
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?32
Kamientary
------------- ustaloŭvajuć STANOK CI PRAHRAMU u kamputar!
ustalavać
1. Pastaviŭšy, źmiaściŭšy kudy‑n., ustanavić naležnym čynam.
Chłopiec u cialniašcy zvałok da mietaličnaha čoŭna pieranosny mator, ustalavaŭ jaho i, ni pra što nie pytajučysia, torhaŭ za łancužok bitych dziesiać chvilin, namahajučysia zavieści svaju «kanstrukcyju». Karatkievič.
I tolki zredku, traplajučy pa spravach u hety dom, u jakim kałhaśniki ŭstalavali vaŭnačosku, toj-sioj voźmie byvała dy i pryhadaje Ihnata. M. Tkačoŭ.
2. Zrabić mocnym, ustojlivym, nadziejnym isnavańnie čaho‑n. Ustalavać uładu.
Ustalavać mir na ŭsioj ziamli.
// Pryvieści ŭ peŭny paradak, naładzić. Ustalavać žyćcio.