Cieła zakatavanaha lvavianina Juryja Dziakoŭskaha ŭdałosia pieravieźci z Słavianska ŭ Danieck, vyrašajecca pytańnie jaho pieravozki dadomu.
Pra heta paviedamiła staršynia Lvoŭskaj abłasnoj administracyi Iryna Siech.
«Učora pozna ŭviečary paśla praciahłych pieramovaŭ cieła Juryja addali pradstaŭnikam Danieckaj abłdziaržadministracyi. My damovilisia sa staršynioj Danieckaj ADA Siarhiejem Tarutaj, što cieła zabiaruć u morh ŭ abłasnym centry, a ranicaj budziem vyrašać, jak jaho viartańnia dadomu tak, kab nie padviarhać niebiaśpiecy rodnych», — paviedamiła jana.
«Ciapier narodny deputat Michaił Błavacki zakazvaje mašynu dla pieravozki zahinułaha u Stryj. Brat Juryja Dziakoŭskaha Aleh znachodzicca ŭ Kijevie, i my ź im pastajanna kantaktujem», — padkreśliła Siech.
U ADA nahadali, što Dziakoŭski byŭ trecim zahinułym, jakoha razam ź Juryjem Papraŭkam i Uładzimiram Rybakom znajšli ŭ race Tarec la Słavianska z prykmietami katavańniaŭ.
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary