Partret zasnavalnika i mastackaha kiraŭnika słavutaha biełaruskaha ansambla «Pieśniary» Uładzimira Mulavina, napisany rasijskim mastakom Nikasam Safronavym, pradadzieny biełaruskamu kalekcyjanieru za 32 tysiačy jeŭra na tarhach, praviedzienych 5 maja aŭkcyjonnym domam «Parahis».
Na pres-kanfierencyi pa vynikach aŭkcyjonu 6 maja ŭ Minsku Nikas Safronaŭ adznačyŭ, što «budzie zakanamierna, kali karcina zastaniecca ŭ Biełarusi». «Moža być, navat jana piarojdzie ŭ Nacyjanalny mastacki muziej», — skazaŭ jon.
Pavodle słoŭ mastaka, z Uładzimiram Mulavinym jany byli ŭ siabroŭskich adnosinach. Eskiz partreta słavutaha muzykanta Safronaŭ zrabiŭ jašče ŭ 1995 hodzie. «Jon u hety momant paralelna razmaŭlaŭ ź niejkim žurnalistam. Dla mianie heta važniej, kali čałaviek nie paziruje statyčna, a ŭ ruchu, žyvym vobrazie. Ja zrabiŭ eskizy, i my damovilisia, što jon pryjedzie ŭ Maskvu i papaziruje mnie dla vialikaha partreta. Tak zdaryłasia, što my nie sustrelisia», — raskazaŭ mastak.
Upieršyniu «Pieśniaroŭ» Safronaŭ pačuŭ budučy jašče «maładym čałaviekam». Jon adrazu zrazumieŭ, što «heta ź`iaŭleńnie cuda ŭ historyi savieckaha estradnaha mastactva». «Moža być, tvorčaść «Pieśniaroŭ» jašče nieacenienaja, ale Mulavin daŭ ansambl, jaki siońnia ź`iaŭlajecca nastalhijaj, historyjaj, jakaja nie prachodzić… Heta jak Beatles, jak Rolling Stones, nie časovaje, a viečnaje», — ličyć jon.
Mastak pryznaŭsia, što, pryjazdžajučy ŭ Minsk, chodzić na mahiłu biełaruskaha muzykanta i ŭspaminaje «sustreču i družbu».
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha36
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu134134
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu134
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary