Rasija ličyć nieapraŭdanym rašeńnie aficyjnaha Kijeva pravieści va Ukrainie prezidenckija vybary va ŭmovach eskałacyi hvałtu ŭ dziaržavie. Z takoj zajavaj u aŭtorak, 6 maja, vystupiŭ na pres-kanfierencyi ŭ Vienie ministr zamiežnych spraŭ Rasii Siarhiej Łaŭroŭ.
Pres-kanfierencyja prajšła pa vynikach pasiadžeńnia Kamiteta ministraŭ Savieta Jeŭropy. Pry hetym pieršym krokam da deeskałacyi kanfliktu pavinien stać zahad ab spynieńni vykarystańnia padraździaleńniaŭ respublikanskich uzbrojenych sił i nacyjanalnaj hvardyi dla padaŭleńnia pratestaŭ na ŭschodzie krainy, zajaviŭ Łaŭroŭ.
Ministr adznačyŭ, što Maskva hatovaja sadziejničać arhanizacyi dyjałohu pamiž uładami ŭ Kijevie i rehijonami Ukrainy. Łaŭroŭ taksama zaklikaŭ ZŠA i ES dałučycca da hetaha pracesu, a nie vykarystoŭvać «uźnikłyja supiarečnaści, kab prasoŭvać svoj adnabakovy paradak dnia, svaje adnabakovyja intaresy, zabyvajučy pra intaresy ŭsiaho ŭkrainskaha naroda».
«Praktyčnyja kroki mohuć pradprymać tolki sami ŭkraincy, kali ich nie buduć utrymlivać ad supracoŭnictva adzin z adnym. A na žal, pakul našy zachodnija partniory jašče nie saśpieli da taho, kab pahadzicca na raŭnapraŭny ŭdzieł u nacyjanalnym dyjałohu paŭdniovaha ŭschodu Ukrainy», — zajaviŭ Łaŭroŭ.
Kamientary