U vioscy Iłava Miadzielskaha rajona na tarhi vystavili vinzavod. Hety łot cikavy, pa-pieršaje, tym, što vino tut robiać z 1832 hoda. A pa-druhoje, hety zavod sprabujuć pradać nie ŭpieršyniu. I, jak vynikaje z danych handlovaj placoŭki, za hety čas startavy košt źniziŭsia ŭ try razy, piša Office Life.
Zavod naležyć miascovamu UP «Iłaŭskaje». Kaliści heta było adno z samych bujnych pradpryjemstvaŭ Miadzielskaha rajona — tut pracavała amal 150 čałaviek. Pradpryjemstva vypuskała śpirt, pładovyja i sadova-jahadnyja viny i navat kalvadas. A jašče — soki i inšuju pradukcyju.
Pra straty pradpryjemstva zahavaryli jašče ŭ 2018 hodzie — jano ŭžo mieła praterminoŭku pa płaciažach u biudžet. Heta źviazvali z rostam zakupačnych cen na syravinu i materyjały i vysokaj kankurencyjaj u handli.
Tady ŭrad navat prapanavaŭ kiraŭniku kampanii «Tytuń-Inviest» Paŭłu Tapuzidzisu kuryravać pradpryjemstva i dapamahčy jamu z realizacyjaj pradukcyi. Paźniej na zavod pryznačyli antykryzisnaha kiraŭnika.
Startavy košt siońnia składaje kala 3,3 młn rubloŭ, a minimalny — naohuł mienš za 2,2 młn. A kaliści pradpryjemstva chacieli pradać amal za 11 młn. Čarhovyja tarhi adbuducca 4 vieraśnia.
Što datyčycca histaryčnaj padstaŭki, to pieršuju vinakurniu tut adkryŭ u XIX stahodździ miascovy pamieščyk Akuška. Z tych časoŭ vytvorčaść praktyčna nie spyniałasia, niahledziačy na vojny i revalucyi. Jašče niadaŭna ŭ histaryčnym budynku, vykładzienym z butavaha kamieniu, pracavaŭ kupažny cech.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary