Znakamity biełaruski baksior Siarhiej Lachovič, jaki žyvie ŭ ZŠA, raspavioŭ pra svaje plany i mahčymaść pravieści boj ź nia mienš znakamitym Mikałajem Vałujevym u Minsku.
‑ Zaraz u Biełarusi aktyŭna abmiarkoŭvajecca mahčymaść praviadzieńnia Vašaha boju ź Mikałajem Vałujevym u Minsku. Vy by chacieli pravieści heta spabornictva na radzimie?
‑ Čamu nie? Ja b z zadavalnieńniem adbaksiravaŭ u siabie na radzimie!
‑ Nakolki mahčyma ŭ Biełarusi arhanizavać spabornictva takoha ŭzroŭniu i ci jość prydatnyja dla jaho spartovyja zały?
‑ Śpiekulavać nie budu. Ja daŭno adtul źjechaŭ, tak što nie mahu adkazać na heta pytańnie. A ŭsie inšyja pytańni nakont arhanizacyi i praviadzieńnia boju u Biełarusi možna abmiarkoŭvać tolki z maim pramoŭteram i z maim mienedžeram.
‑ Ci vierycie Vy ŭ toje, što doma i rodnyja ścieny dapamahajuć?
‑ U niejkaj stupieni moža i dapamahajuć, ale ŭsio budzie zaležyć u pieršuju čarhu ad mianie samoha, ad taho, što ja budu rabić na rynhu.
‑ Nakolki zaraz Vy hatovy da spabornictva?
‑ Zaraz ja znachodžusia ŭ Chjustanie. Pacichu pačaŭ padrychtoŭku da hetaha boju Budu hatovy na 110 adsotkaŭ. Zaraz prachodžu ahulnafizičnuju padrychtoŭku i pracuju sa svaim trenieram nad płanam boju.
‑ Jak aceńvajecie svaje šansy na pieramohu?
‑ Bolš čym upeŭnieny. Bo kali nie ŭpeŭnieny ŭ pieramozie, dyk i nie treba vychodzić na rynh.
***
Nahadajem, što dniami apazicyjny dziejač Ihar Rynkievič zaklikaŭ pradstaŭnikoŭ biełaruskaha biźniesu nabyć pravy na praviadzieńnie ŭ Minsku baksiorskaha boju pamiž Siarhiejem Lachovičam i Mikałajem Vałujevym. Svaju inicyjatyvu jon rastłumačyŭ patryjatyčnym imknieńniem da pavyšeńnia nacyjanalnaha i spartyŭnaha duchu ŭ Biełarusi.
Suśvietnaja baksiorskaja asacyjacyja (WBA) abjaviła, što pravy na arhanizacyju boju pamiž ciažkavahavikami biełarusam Lachovičam («Biełym vaŭkom») i rasijaninam Vałujevym vystaŭleny na aŭkcyjon. Praz pramoŭterskuju kampaniju hetyja pravy možna nabyć siońnia, 5 listapada, u Panamie, dzie raźmieščany hałoŭny ofis WBA. Startavaja cana składaje 400 tysiač dołaraŭ.
Ciapier čytajuć
Statkievič apublikavaŭ foty ich novaha z Marynaj Adamovič doma4
Statkievič apublikavaŭ foty ich novaha z Marynaj Adamovič doma
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1111
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»11
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary