Знакаміты беларускі баксёр Сяргей Ляховіч, які жыве ў ЗША, распавёў пра свае пляны і магчымасьць правесьці бой зь ня менш знакамітым Мікалаем Валуевым у Мінску.
‑ Зараз у Беларусі актыўна абмяркоўваецца магчымасць правядзення Вашага бою з Мікалаем Валуевым у Мінску. Вы бы хацелі правесці гэта спаборніцтва на радзіме?
‑ Чаму не? Я б з задавальненнем адбаксіраваў у сябе на радзіме!
‑ Наколькі магчыма ў Беларусі арганізаваць спаборніцтва такога ўзроўню і ці ёсць прыдатныя для яго спартовыя залы?
‑ Спекуляваць не буду. Я даўно адтуль з’ехаў, так што не магу адказаць на гэта пытанне. А ўсе іншыя пытанні наконт арганізацыі і правядзення бою у Беларусі можна абмяркоўваць толькі з маім прамоўтэрам і з маім менэджэрам.
‑ Ці верыце Вы ў тое, што дома і родныя сцены дапамагаюць?
‑ У нейкай ступені можа і дапамагаюць, але ўсё будзе залежыць у першую чаргу ад мяне самога, ад таго, што я буду рабіць на рынгу.
‑ Наколькі зараз Вы гатовы да спаборніцтва?
‑ Зараз я знаходжуся ў Х’юстане. Паціху пачаў падрыхтоўку да гэтага бою Буду гатовы на 110 адсоткаў. Зараз праходжу агульнафізічную падрыхтоўку і працую са сваім трэнерам над планам бою.
‑ Як ацэньваеце свае шансы на перамогу?
‑ Больш чым упэўнены. Бо калі не ўпэўнены ў перамозе, дык і не трэба выходзіць на рынг.
***
Нагадаем, што днямі апазіцыйны дзеяч Ігар Рынкевіч заклікаў прадстаўнікоў беларускага бізнесу набыць правы на правядзенне ў Мінску баксёрскага бою паміж Сяргеем Ляховічам і Мікалаем Валуевым. Сваю ініцыятыву ён растлумачыў патрыятычным імкненнем да павышэння нацыянальнага і спартыўнага духу ў Беларусі.
Сусветная баксёрская асацыяцыя (WBA) аб’явіла, што правы на арганізацыю бою паміж цяжкавагавікамі беларусам Ляховічам («Белым ваўком») і расіянінам Валуевым выстаўлены на аўкцыён. Праз прамоўтэрскую кампанію гэтыя правы можна набыць сёння, 5 лістапада, у Панаме, дзе размешчаны галоўны офіс WBA. Стартавая цана складае 400 тысяч долараў.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі11
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1111
Каментары