Biełaruskija ciahniki, jakija iduć tranzitam praz Ukrainu, nie buduć spyniacca na šerahu stancyj
U adpaviednaści z paviedamleńniem Dziaržaŭnaj administracyi čyhunačnaha transpartu Ukrainy z 10 maja admianiajucca asobnyja prypynki mižnarodnych tranzitnych pasažyrskich ciahnikoŭ, jakija nakiroŭvajucca pa terytoryi Ukrainy, u tym liku ŭ Krym.
Dla ciahnika № 100/99 Minsk — Simfieropal admieniena pasadka i vysadka pasažyraŭ na stancyjach Charobičy, Harodnia, Kamka, Ščors, Miena, Bachmač, Kanatop, Puciejskaja, Puciŭl, Varažba, Smarodzina, Paŭłahrad-1, Sinielnikava, Novaalaksiejeŭka, Mielitopal.
Dla ciahnikoŭ № 302/301 Minsk — Adler, № 356/355 Minsk — Minieralnyja Vody, № 390/389 Minsk — Anapa: Charobičy, Harodnia, Ščors, Miena, Bachmač, Kanatop, Puciŭl, Varažba, Smarodzina, Kirykaŭka, Bahaduchaŭ, Izium, Čyrvony Liman, Arciomaŭsk-2, Nikitaŭka, Harłoŭka.
Dla ciahnika № 393/394 Połack — Simfieropal admieniena pasadka i vysadka pasažyraŭ na stancyjach Charobičy, Harodnia, Ščors, Nizkaŭka, Miena, Doč, Bachmač-Pas, Tałałajeŭka, Romny, Suła, Ramadan, Charoł, Viasioły Padoł, Vierbki, Kramiančuh, Karystaŭka, Kucoŭka.
Dla bieśpierasadačnych vahonaŭ Minsk — Kišynioŭ (ciahnik № 61/62 Sankt-Pieciarburh — Kišynioŭ farmiravańnia Małdaŭskaj čyhunki) vyklučana pasadka i vysadka pasažyraŭ na stancyjach Oŭruč, Karaścień, Žytomir, Bierdzičaŭ, Izraiłaŭka, Mytki.
U suviazi sa źmianieńniami prodaž prajaznych dakumientaŭ da nazvanych stancyj nie ažyćciaŭlajecca. Pasažyry, jakija raniej kupili prajaznyja dakumienty, mohuć źviarnucca ŭ čyhunačnyja kasy dla ich viartańnia.
BČ źviartaje ŭvahu pasažyraŭ na nieabchodnaść płanavać pajezdki z ulikam źmianieńniaŭ u ruchu ciahnikoŭ u znosinach z Ukrainaj i sačyć za abnaŭleńniem infarmacyi na sajcie Biełaruskaj čyhunki, a taksama infarmacyjnych stendach i kasach čyhunačnych vakzałaŭ.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja43
Kamientary